Viloyatimiz bo‘ylab, "Dolzarb 40 kun" tadbiri doirasida amalga oshirilayotgan keng qamrovli targ‘ibot tadbirlari davom etmoqda.
Jumladan, kuni kecha Muzrabot tumani Fidokor MFYda joylashgan 24-sonli umumta’lim maktabida ota-onalar yig‘ilishi o‘tkazildi. Yig‘ilishda mahalla yetiligi, Milliy gvardiya Surxondaryo viloyati bo‘yicha boshqarmasi BBIB inspektor psixologi va ota-onalar ishtirok etishdi.
Majlisda mas’ullar tomonidan maktab o‘quvchilarining
dars mashg‘ulotlariga to‘liq qatnashishini ta’minlash muhimligi ta’kidlandi. Inspektor
psixolog huquqbuzarlik va jinoyatchilikning yoshlar orasida qanday sodir bo‘lishi
mumkinligini, shuningdek, bunday holatlarning oldini olish bo‘yicha kerakli tushunchalarni
berib o‘tdi.
Ota-onalar o‘z farzandlari bilan ko‘proq
muloqot qilishi, ularning faoliyatini nazorat qilish va ijtimoiy muhitga ta’sir
etadigan omillar haqida fikr almashdilar. Yig‘ilish yakunida huquqiy tarbiya va
ogohlikni kuchaytirish bo‘yicha birgalikda ishlash va hamkorlikni yo‘lga qo‘yish
haqida kelishib olindi. Bu kabi tadbirar o‘quvchilarimizning xavfsizligi va kelajagi
uchun muhim qadamlardan biri bo‘lib xizmat
qiladi desak mubolag‘a bo‘lmaydi.
