Viloyat IIB Yosh xodimlari o‘rtasida “Harbiy estafeta” musobaqasi tashkil etildi...
O‘zbekiston Respublikasi Vazirlar Mahkamasining joriy yil iyun oyida yurtimizda “Yoshlar oyligi”ni o‘tkazish bo‘yicha tegishli topshiriqlari hamda Ichki ishlar vazirligining 2023 yil 1 iyundagi 157-son farmoyishi ijrosini ta’minlash maqsadida viloyat ichki ishlar organlari yosh xodimlari o‘rtasida “Yuksak jangovar shaylik va jismoniy tayyorgarlik” shiori ostida Termiz shahrida joylashgan “Alpomish” arenasida “Harbiy estafeta” musobaqasi tashkil etildi.
Musobaqada shahar-tuman IIBlardan jami 15 ta jamoa ishtirok etib, musobaqa qatnashchilari esatafeta shartlarini jumladan yugurish, o‘rdaksimon yurish, tosh ko‘tarish, PM (Pistolet Makarov) va Avtomat Kalashnikovni to‘liqsiz qismlarga ajratish hamda yig‘ish shu kabi boshqa shartlarda bellashdilar musobaqa yakuniga ko‘ra Qumqo‘rg‘on tumani 3-o‘rinni, Qiziriq tumani 2-o‘rinni hamda Sherobod tumani faxrli 1-o‘rinlarni qo‘lga kiritishdi.
G‘olib jamoa a’zolari boshqarma rahbariyati tomonidan diplom va qimmatbaho esdalik sovg‘alar bilan taqdirlandi.
