Surxondaryo viloyati Ichki ishlar boshqarmasi boshlig‘ining 2023 yil 30 oktabr kunidagi tegishli farmoyishiga asosan, Surxondaryo viloyati Ichki ishlar organlarida xizmat olib borayotgan huquqbuzarliklar profilaktikasi bo‘linmalari xodimlarining faoliyatini yanada takomillashtirish, shuningdek, ularning kasbiy bilim va ko‘nikmalarini oshirish maqsadida, joriy yilning 4 noyabr kunidan 10 noyabr kuniga qadar Surxondaryo viloyati IIBning barcha shahar-tuman IIB Jamaoat xavfsizligi xizmati Huquqbuzarliklar profilaktikasi bo‘linmalarining voyaga yetmaganlar masalalari bo‘yicha (katta) inspektor psixologlari va xotin-qizlar masalalari bo‘yicha (katta) inspektorlari ishtirokida o‘quv yig‘ini tashkil etilgan.

Shu munosabat bilan viloyat Ichki ishlar boshqarmasi boshlig‘ining Ma’naviy-ma’rifiy ishlar bo‘yicha o‘rinbosari podpolkovnik Sh.F.Shadiev tomonidan joriy yilning 7 noyabr kuni o‘quv yig‘ini ishtirokchilari bilan tungi o‘rganish ishlari hamda uchrashuvi tashkil etildi.

Ushbu uchrashuvda O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi, viloyat Ma’naviy-ma’rifiy ishlar va kadrlar bilan ta’minlash xizmati hamda viloyat IIB Axborot xizmati bilan hamkorlikda tayyorlangan viloyat Ichki ishlar organlarida joriy yilning so‘ngi 10 oyi davomida xodimlar o‘rtasida sodir etilgan salbiy holatlar aks ettirilgan videorolik namoyish etildi.

Uchrashuv davomida boshqarma boshlig‘i o‘rinbosari tomonidan o‘quv yig‘iniga jalb etilgan  xodimlarga xizmat intizomi va qonunchilikka qat’iy rioya etishlari, o‘quv yig‘ini davomida o‘z bilim va amaliy ko‘nikmalarini yanada oshirish yo‘lida o‘quv mashg‘ulotlarini chuqur o‘zlashtirib borishlari zarurligi uqtirildi.

Shuningdek, o‘quv jarayonlarini o‘rganish davomida xodimlarning ma’naviy-axloqiy bilim darajalari, saf tayyorgarligi bilan birganlikda jismoniy-jangovar shayligi ham ko‘zdan kechirildi.