Mamlakatimizda jamoat xavfsizligi, tinchlik va barqarorlikni ta'minlash borasidagi ko'p yillik fidokorona mehnati, yosh avlodni vatanparvarlik va istiqlol g'oyalariga sadoqat ruhida tarbiyalash, tizimda amalga oshirilayotgan islohotlarni hayotga izchillik bilan tadbiq etishdagi katta xizmatlari, shuningdek jamiyatimizning ijtimoiy-iqtisodiy hayotida faol ishtirok etib kelayotgan faxriylarimiz bugun e'zozlanib, ularning xizmatlari e'tirof etilmoqda.
Buning yorqin misoli sifatida 1 oktabr-"O'qituvchi va murabbiylar kuni" munosabati bilan ichki ishlar organlari faxriylari, ustoz va murabbiylari uchun Surxondaryo viloyatida bayram tadbiri tashkil etildi.
Surxondaryo viloyati ichki ishlar boshqarmasi boshlig'i polkovnik Abduvohid Ismoilov tashabbusi bilan ichki ishlar faxriylari Termiz tumanidagi Al Hakim at-Termiziy hamda Sherobod tumanidagi Iso at-Termiziy ziyoratgohlariga borishib, avliyolar hamda o'tganlar haqqiga tilovatlar qilishdi.
Kunning ikkinchi yarmida, Jarqo'rg'on tumanidagi "Istiqlol" to'yxonasi shuningdek, Sherobod tumanidagi "Azizbek" restoranlarida bir piyola choy baxonasida, ustoz va murabbiylar, faxriylar diydorlashuvi tashkil etildi.
Tashkil qilingan uchrashuvda, O'zbekiston Respublikasi ichki ishlar vazirining 2021 yil 29 sentabrdagi buyrug'i bilan e'lon qilingan ichki ishlar tizimlarida uzoq yillar benuqson va samarali mehnat qilgan bir guruh faxriylariga, boshqarma boshlig'i tomonidan ichki ishlar vazirining "ichki ishlar organlarining faxriy xodimi" ko'krak nishoni hamda "ichki ishlar vazirligining esdalik qo'l soati" tantanali ravishda topshirildi.
Faxriylar, ustoz va murabbiylar uchun tashkil qilingan uchrashuv tadbiridan bugunning qahramonlari mamnun ekanliklarini izhor etishib, zamonamiz tinchligi va osoyishtaligi uchun o'z jonidan kechgan safdosh va o'g'lonlarini yodga olishdi, qadrdonlar bir-birlari bilan samimiy suhbat qurishdi.
Boshqa sohalar qatori Surxondaryo viloyati ichki ishlar organlari tizimlarida ham 1 oktabr-"O'qituvchi va murabbiylar kuni" bayrami munosabati bilan tashkil qilinayotgan tadbirlar o'tkazilishi davom etmoqda.

Surxondaryo viloyati IIB axborot xizmati