Qumo‘rg‘on tumanida “Zo‘ravonlikka qarshi 16 kunlik” tadbiriga bag‘ishlangan davra suhbati o‘tkazildi
Birlashgan millatlar tashkilotining Bosh Assambleyasi tomonidan “25 noyabr
- Xalqaro ayollarga nisbatan zo‘ravonlikka barham berish kuni” e’lon qilingan.
2023 yilning 25 noyabr kunidan 10 dekabr kunigacha “Zo‘ravonlikka qarshi
16 kunlik” turkum tadbirlarini tashkil etish maqsadida Qumqo‘rg‘on tumanida ham
bir qator tadbirlar o‘tkazilmoqda. Aholi o‘rtasida xotin-qizlar va bolalarga nisbatan
tazyiq va zo‘ravonlikning oldini olishga qaratilgan tumanning “Bog‘aro” mahallasida
joylashgan 70-sonli maktabda davra suhbati bo‘lib o‘tdi.
Ushbu davra suhbatida tuman IIB Jamoat xavfsizligi xizmati Huquqbuzarliklar
profilaktikasi bo‘limi Xotin-qizlar masalalari bo‘yicha katta inspektor leytenant
M.Eshmurodova, mahalla xotin-qizlar faoli B.Qodirova, maktabning ma’naviy va ma’rifiy
ishlar bo‘yicha direktor o‘rinbosari X.Raxmonova hamda maktab Xotin-qizlar raisi
N.G‘apporovalar o‘z ma’ruzalari bilan ishtirok etishdi.
Shuningdek tadbir
davomida o‘quvchi qizlar o‘rtasida jinoyat va huquqbuzarliklarning oldini olish,
erta nikohga chek qo‘yish bo‘yicha zarur tushunchalar berib o‘tildi.
Davra suhbati yakunida
maktab binosiga ishonch telefonlari yopishtirilib, yig‘ilganlarga mavzuga oid bukletlar
tarqatildi.
