Qumqo‘rg‘on tumani IIBda “Intizom oyligi” doirasida bir qator amaliy ishlar olib borilishi yo‘lga qo‘yilgan
Ichki ishlar organlarida ma’naviy-ma’rifiy ishlarni
tashkil etish, shaxsiy tarkib o‘rtasida xizmat intizomi va qonuniylikni mustahkamlash,
kelgusida xodimlar tomonidan sodir etilishi mumkin bo‘lgan qonun buzilish
holatlarini aniqlash va barvaqt oldini olish maqsadida, Qumqo‘rg‘on tumani Ichki ishlar bo‘limida Qumqo‘rg‘on tuman IIB rahbariyati bilan “Intizom oyligi” doirasida
uchrashuv tashkil etildi.
“Intizom oyligi” davomida Qumqo‘rg‘on tumani IIB xodimlar
uchun tarixiy obidalar, kutubxonalar va boshqa bir qator madaniy meros obe’ktlariga
sayyohatlar tashkil etilishi, turli sport musobaqalarini o‘tkazish bilan birgalikda
ularni bilim saviyasini oshirishga maqsadida bilimlilar bellashuvlari, turli ma’naviy-ma’rifiy
uchrashuvlar o‘tkazilishi yo‘lga qo‘yilgan.
O‘tkazilayotgan bu ma’naviy-ma’rifiy tadbirlar ichki
ishlar organlari xodimlarini o‘z sohasining yetuk mutaxassisi bo‘lishiga xizmat
qiladi.
Shu bilan birga xodimlarning kasbiy malakalarini oshirish, qonunchilik va xizmat intizomiga rioya etish, fuqarolarning murojaatlarini o‘z vaqtida qonuniy tartibda hal etish, xodimlarning yurish turishi, formali kiyim-bosh kiyishi, avtotransport vositalarining me’yoriy hujjatlarining mavjudligi va boshqa bir qator talablar o‘rganilmoqda.
