O‘zbekiston Respublikasi Ichki Ishlar vazirligi hamda Oliy ta’lim fan va innovatsiyalar vazirligining 2025-yil 8-mart kunidagi tegishli qo‘shma qarori Ichki ishlar organlari hududiy bo‘linmalari rahbarlarini oliy ta’lim tashkilotlariga biriktirish hamda huquqbuzarliklar profilaktikasini tashkil etish maqsadida, 2025 yil 3 aprel kuni Toshkent tibbiyot akademiyasi Termiz filialida Surxandaryo viloyati Ichki ishlar boshqarmasi boshlig‘ining birinchi o‘rinbosari Baxtiyor Inoqov hamda Toshkent tibbiyot akademiyasi Termiz filiali direktori Furqat Otamuradovlar ishtirokida talaba yoshlar bilan uchrashuv tashkil qilindi.

Ushbu targ‘ibot tadbirlarida, Oliy ta’lim tashkilotlari talabalarini har tomonlama qo‘llab-quvvatlash, talaba yoshlarni ma’naviy va axloqiy fazilatlariga salbiy ta’sir ko‘rsatishi mumkin bo‘lgan, ommaviy madaniyat hamda yod va buzg‘unchi g‘oyalar ta’siridan saqlash, bundan tashqari ular ortasida radikallashuv va boshqa salbiy holatlar hamda talaba yoshlar orasida huquqbuzarliklarning barvaqt oldini olish va jinoyatchilikka qarshi kurashish borasida tushuntirishlar olib borildi.

Yig‘lishda, viloyat IIB Jamoat xavfsizligi xizmati Huquqbuzarliklar profilaktikasi mas’ul xodimlari tomonidan, kelgusida Tibbiyot oliygohi talabalari tomonidan sodir etilishi mumkin bo‘lgan jinoyatlar hamda jinoyat qurboniga aylanib qolmaslik, huquqbuzarlik sodir etmaslik to‘g‘risida kerakli tushunchalar berildi.

Tadbir so‘nggida talaba yoshlarni qiziqtirgan savollarga mas’ullar tomonidan huquqiy bilim va ko‘nikmalar berildi.