Muhtaram Prezidentimiz tashabbuslari bilan olib borilayotgan islohotlar natijasida, aholini muammolarini o‘rganish va ularga ijobiy yechim topish, fuqarolarni bugungi kunidan rozi qilish maqsadida joylarda sayyor qabullar tashkil etib kelinmoqda.

Ana shunday qabullarning navbatdagisi Termiz tumanidagi Madaniyat bo‘limi binosida tumandagi 3-sektor hududida istiqomat qiluvchi fuqarolar ishtirokida bo‘lib o‘tdi.

Surxondaryo viloyati IIB boshlig‘ining “Sayyor qabuli” bo‘lib o‘tdi.

Ushbu sayyor qabulda tuman sektor rahbarlari, mas’ul korxona va tashkilot  xodimlari fuqarolarning tadbirkorlik faoliyatini yo‘lga qo‘yish, elektr energiyasi va gaz ta’minoti, moddiy yordam olish, kontrakt to‘lovini to‘lash, ishga tiklash, sog‘ligini yaxshilash, probatsiya nazorati hisobidan chiqarish, ichki yo‘llar ta’miri, tergovga qadar tekshiruv va boshqa bir qator masalalardagi yigirmaga yaqin murojaatlari tinglandi.

Murojaatlarning asosiy qismi shu yerning o‘zida ijobiy hal etilgan bo‘lsa, ba’zi murojaatlar yuzasidan tushuntirishlar berildi. Ijrosini o‘rganish uchun qo‘shimcha muddat talab qiladigan murojaatlar mas’ullarga yo‘naltirilib, boshqarma boshlig‘i tomonidan alohida nazoratga olindi.

Shuningdek “Sayyor qabul” yakunida 16 yoshga to‘lishi munosabati bilan 3-nafar o‘quvchi yigit-qizlarga ID kartalar boshqarma boshlig‘i tomonidan tantanali ravishda topshirildi.