Surxondaryo viloyat IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy huquqiy yordam ko‘rsatish markaziga Termiz tumanida yashovchi voyaga yetmagan G.Mning nazoratsiz va qarovsiz yurganligi sababli joylashtirilgan. G.M bilan olib borilgan profilaktik suhbatlar natijasida qilgan ishlaridan pushaymonligi va o‘ziga to‘g‘ri xulosa chiqarganligi uchun uning kelgusida jinoyat sodir etmasligi va jinoyat qurboni bo‘lishini oldini olish maqsadida, uning onasi ishtirokida Termiz tuman bolalar masalalari bo‘yicha komissiyasida yig‘ilish muhokamasi o‘tkazildi.

Muhokamada O‘zbekiston yoshlar ishlari Termiz tuman bo‘limi boshlig‘i Z.Bakijonov so‘zga chiqib voyaga yetmagan G.Mning maktabga doimiy ravishda ta’lim olishi va uning sport to‘garagiga muntazam ravishda qatnashishi uchun murabbiy biriktirilishi haqida fikr bildirib o‘tdi.

Shuningdek, uning oilasini yashash sharoitini manitoring qilib borilishini tuman Xotin-qizlar faoliga biriktirildi.

Xalqimizda “bir bolaga yetti mahalla ota-ona”- deyishganidek, bir nafar voyaga yetmagan bolaning taqdiriga davlatimiz befarq emasligi uni doimiy nazorat qilib borishi esa bolajon xalqligidan dalolat beridi.

Muhokama so‘ngida G.M nazoratsiz va qarovsiz yurganligi sababli uning onasiga nisbatan O‘zbekiston Respublikasi Ma’muriy javobgarlik to‘g‘risidagi kodeksining 47-moddasida belgilangan talablar bo‘yicha ogohlantirilib, farzandining kelgusi taqdiriga befarq bo‘lmasligi haqida profilaktik tushuntirish ishlari olib borildi.