O‘zbekiston Respublikasi Vazirlar Mahkamasining 2022 yil 14 oktabr kunidagi 598-sonli “Jamoat xavfsizligini ta’minlash va huquqbuzarliklarning oldini olishda davlat organlari va tashkilotlari idoraviy qorovullik bo‘linmalari faoliyati samaradorligini oshirish chora-tadbirlari to‘g‘rsidagi” Qarorining ijrosini ta’minlash maqsadida tumanda mavjud tashkilot va korxona qorovullariga seminar yig‘ilish bo‘lib o‘tdi.

Unda Termiz tumani IIB boshlig‘i o‘rinbosari mayor J.Xojaqulov, tuman MG Qo‘riqlash bo‘limi boshlig‘i podpolkovnik O.Badriddinov hamda tuman Adliya bo‘limi xodimlari ishtirok etib, tumanda mavjud tashkilot, korxona qorovullariga qarorda belgilab qo‘yilgan vazifa va majburiyatlar tadbir ishtirokchilari tomonidan atroflicha tushuntirib berildi.

Shuningdek, yig‘ilganlarga tuman IIB boshlig‘i o‘rinbosari mayor J.Xojaqulov “Qo‘riqlash faoliyati to‘g‘risida”gi O‘zbekiston Respublikasining qonuniga muvofiq quyidagilarni nazarda tutuvchi Davlat organlari, tashkilot, idoraviy qorovullik bo‘linmalari o‘zaro hamkorlikda huquqbuzarliklar va hodisalar yuzasidan ichki ishlar organlari va O‘zbekiston Respublikasi MG bo‘linmalarini xabardor qilishning mexanizmlarini ishlash tartibi tushuntirildi.

Shundan so‘ng, tuman Adliya bo‘limi mas’ul xodimi tomonidan “Qo‘riqlash faoliyati to‘g‘risida”gi qonun ijrosini ta’minlashda sustkashtlikka yo‘l qo‘ygan xodimlarga idoraviy, qorovullik bo‘linmalari xodimlarining huquqbuzarlik va xodisalar yuzasidan ichki ishlar organlariga o‘z vaqtida xabar qilmaganliklari yuzasidan intizomiy jazolar belgilanishi bo‘yicha to‘xtalib, yig‘ilish ishtirokchilariga xizmat olib borish vaqtida  idoraviy qorovullik bo‘linmalari qorovullariga xizmatga jalb qilinganda to‘liq epikirovka bilan xizmatga chiqishlari hamda hududda huquqbuzarlik va jinoyatlarni oldini olishda hushyorlik bilan xizmatni tashkil etish bo‘yicha yo‘riqnoma berildi.

Surxondaryo viloyati IIB Axborot xizmati