Termiz tumanida boshqarma boshliqlari tomonidan aholining murojaatlarini o‘rganish va ijobiy yechim topish uchun Sayyor qabul tashkil etildi.
Prezidentimiz tashabbusi
bilan olib borilayotgan islohotlar natijasida, aholini qiynab kelayotgan muammolarga
ijobiy yechim topish, fuqarolarni bugungi kunidan rozi qilish maqsadida joylarda
sayyor qabullar tashkil etib kelinmoqda. Ana shunday qabullarning navbatdagisi Termiz
tumanidagi Madaniyat bo‘limi binosida tumandagi 3-sektor hududidagi mahalla fuqarolari
ishtirokida bo‘lib o‘tdi.
Surxondaryo viloyati
Ichki Ishlar boshqarmasi boshlig‘i polkovnik Ismailov Timur Kamalatdinovich, viloyat
Soliq boshqarmasi boshlig‘i Narmanov Erkin Abdualimovich hamda tuman sektor rahbarlari,
mas’ul korxona va tashkilot mas’ul xodimlari fuqarolarning tadbirkorlik faoliyatini
yo‘lga qo‘yish, elektr energiyasi va gaz ta’minoti, moddiy yordam olish, ishga joylashish,
probatsiya nazorati hisobidan chiqarish, ichki yo‘llar ta’miri va boshqa bir qator
masalalardagi yigirmadan ortiq murojaatlarini tinglashdi.
Murojaatlarning asosiy qismi shu yerning o‘zida ijobiy
hal etilgan bo‘lsa, ba’zi murojaatlar yuzasidan tushuntirishlar berildi. Ijrosini
o‘rganish uchun qo‘shimcha muddat talab qiladigan murojaatlar mas’ullarga yo‘naltirilib,
boshqarma boshliqlari tomonidan nazoratga olindi.