Termiz tumani Namuna mahallasi “Yoshlar jinoyati va huquqbuzarligidan holi mahalla” nominatsiyasi bo‘yicha g‘olib deb topildi.
Prezidentimizning tegishli Farmon va qarorlari bilan yoshlarni Vatanparvarlik
ruhida tarbiyalash, hayotda o‘z yo‘llarini topishda ko‘maklashish uchun vazirlik,
idora hamda mahalliy davlat boshqaruvi organlari tomonidan yoshlarni otaliqqa olish
tizimi yo‘lga qo‘yilgan. Xususan, Ichki ishlar vazirligi tomonidan bir million nafar
yoshlar otaliqqa olingan.
Shunga asosan vazirlik tomonidan yoshlar o‘rtasida “Xavfsiz hayot uchun birlashaylik!”
shiori ostida keng qamrovli tadbirlar o‘tkazib kelinmoqda. Ushbu tadbirlar doirasida
viloyat miqyosida Termiz tumani Namuna mahallasi “Yoshlar jinoyati va huquqbuzarligidan
holi mahalla” nominatsiyasi bo‘yicha g‘olib deb topildi.
Kuni-kecha tuman Ichki ishlar bo‘limida nominatsiya g‘olibi bo‘lgan mahalla
“yettiligi”ni taqdirlash tadbiri tashkil etildi.
Tadbirda viloyat va tuman IIB mutasaddilari, “yettilik”ning tuman bo‘limi
boshliqlari hamda mahallalar vakillari ishtirok etishdi.
G‘oliblarga Surxondaryo viloyati Ichki
ishlar boshqarmasi Jamoat xafvsizligi departamenti Huquqbuzarliklar profilaktikasi
boshqarmasi boshlig‘ining faxriy yorliqlari tantanali topshirildi.
