Joriy yilning 28 mart kuni O‘zbekiston Respublikasi Ichki ishlar vazirligi hamda Oliy ta’lim, fan va inovatsiyalar vazirligi tomonidan
2025 yil 8 mart kuni imzolangan Qo‘shma Qaror ijrosini ta’minlash maqsadida, Termiz iqtisodiyot va servis universitetida viloyat Ichki ishlar boshqarmasi boshlig‘i o‘rinbosari podpolkovnik Sherzod Shadiev hamda universitet rektori Abdusamad Sattarovlar ishtirokida talaba yoshlar bilan uchrashuv bo‘lib o‘tdi.

Yig‘ilganlarga ikki vazirlik o‘rtasida imzolangan Qo‘shma Qaror hamda uning maqsad va vazifalari to‘liqligicha tanishtirildi. Shuningdek, kelgusida hamkorlikda amalga oshirilishi belgilab berilgan vazifalar to‘g‘risida ma’lumot berib o‘tildi. Tadbirda yoshlar orasida sodir etilayotgan jinoyatlar va ularning sabablariga e’tibor qaratilib, ularni oldini olish bo‘yicha chora-tadbirlar muhokama qilindi. Talabalar o‘zlarini qiziqtirgan savollarga javoblar olishib, ichki ishlar organlariga xizmatga kirish talablari, kiberjinoyatchilikka qarshi kurashish usullari hamda qonunchilikdagi yangiliklar haqida batafsil ma’lumotlarga ega bo‘lishdi.

Bundan tashqari haftaning har payshanba kuni “Talabalar xavfsizligi” kuni deb e’lon qilinib, profilaktik uchrashuvlar targ‘ibot va tashviqot ishlari yanada kuchaytirilishi to‘g‘risida ta’kidlanib, hamkorlikda amalga oshiriladigan tadbirlar belgilab olindi.