Termiz davlat universitetida “Yoshlar orasida giyohvandlik vositalari va psixotrop moddalar tarqalishining oldini olish”ga qaratilgan targ‘ibot tadbiri o‘tkazildi.
Narkotik moddalarni nazorat qilish bo‘yicha O‘zbekiston Respublikasi davlat
komissiyasining bayoni va narkotik moddalarni suiiste’mol
qilish va noqonuniy aylanishiga qarshi kurashish bo‘yicha 2021 – 2025
yillarga mo‘ljallangan kompleks choralar dasturi ijrosini ta’minlash maqsadida,
joylarda 2024 yilning 1 fevral kunidan 1 mart kuniga qadar manfaatdor idora va tashkilotlar
bilan hamkorlikda “Yoshlar orasida giyohvandlik vositalari va psixotrop moddalar tarqalishining oldini
olish” kompleks tezkor-profilaktik tadbiri o‘tkazilib kelinmoqda.
Shunday tadbirlardan biri Termiz
davlat universiteti talaba yoshlari bilan o‘tkazildi. Targ‘ibot tadbirida viloyat
IIB Tezkor-qidiruv xizmati mas’ullari, Termiz davlat universiteti o‘qituvchilari
hamda talabalari ishtirok etishdi.
O‘tkazilgan targ‘ibot tadbiri davomida, talaba yoshlarga narkotik moddalarni suiiste’mol qilish va noqonuniy aylanishiga
qarshi kurashish hamda Yoshlar orasida giyohvandlik vositalari va psixotrop moddalar
tarqalishining oldini olish borasida viloyatda olib borilayotgan ishlar hususida
ma’lumotlar berildi.
Tadbir yakunida talaba yoshlar o‘zlarini qiziqtirgan savollariga
mas’ullar tomonidan javoblar olishdi.
