O‘zbekiston Respublikasi Ichki ishlar vazirining 2019 yil 30 sentabr kunidagi "Ichki ishlar vazirligi Akademiyasi kursant va tinglovchilarining Ichki ishlar organlarida amaliyotlarini tashkil etish to‘g‘risida"gi buyrug‘i hamda Akademiyaning 2023/2024 o‘quv yilidagi o‘quv jarayoni jadvali ijrosini ta’minlash maqsadida IIV Akademiyasi boshlig‘ining 2024-yil 16-yanvar kunidagi Farmoyishining reja topshirig‘iga asosan, amaliyot davomida har bir kursant o‘zi ta’lim olgan maktab va IIV akademik litseyi, shuningdek o‘zi istiqomat qilayotgan mahalla fuqarolar yig‘inlarida hamda oliy ta’lim muassasalarida "Narkotik vositalar va psixotrop moddalarning yoshlar hayotiga salbiy ta’siri" mavzusida targ‘ibot tadbirini amalga oshirishlari belgilangan.

Shu bois kuni kecha Termiz Davlat Universiteti Axborot texnologiyalari fakulteti talabalari ishtirokida "Narkotik vositalar va psixotrop moddalarning yoshlar hayotiga salbiy ta’siri mavzusida” targ‘ibot-tashviqot uchrashuvi o‘tkazildi.

Tadbirda IIV Akademiyasi, Surxondaryo viloyati IIB va Termiz shahar IIB mas’ul xodimlari hamda IIV Akademiyasi 3-o‘quv kursantlari ishtirok etishdi.

O‘tkazilgan targ‘ibot tashviqot uchrashuvida Universitet talabalariga, joriy yilning 1-fevral kunidan 1-mart kuniga qadar mamlakatimizda o‘tkazilayotgan "Yoshlar orasida giyoxvantlik vositalarini tarqalishiga qarshi kurash" oyligi doirasida bukletlar tarqatilib, tushunchalar berildi hamda videorolik namoyish etildi.