Termiz davlat universitetida "Yoshlarda korrupsiyaga nisbatan toqatsiz munosobatni shakllantirish" mavzusida davra suhbari tashkil etildi.
Joriy yilning 26-aprel kuni Termiz davlat
universitetida, O‘zbekiston Respublikasi Prezidentining, 2023-yil 27-noyabrdagi
PF-200-son Farmoni bilan tasdiqlangan Korrupsiyaga qarshi kurashish bo‘yicha
2023-2024-yillarga mo‘ljallangan davlat dasturining 25-bandida belgilangan
“Yoshlarda korrupsiyaga nisbatan toqatsiz munosobatni shakllantirish” mavzusida
davra suhbari tashkil etildi.
Tadbirda, korrupsiyaga qarshi kurashish bo‘yicha
faoliyatni amalga oshiruvchi davlat organlari vakillari, oliygoh talaba
yoshlari hamda o‘qituchilari ishtirok etishdi.
Tadbir davomida,
“Ijtimoiy fanlar” fakulteti dekani N.Ochilov, Surxondaryo viloyati IIB JQB
korrupsiyaga va iqtisodiy jinoyatlarga qarshi kurashish bo‘limi katta tezkor
vakili J.Nafasov, Surxondaryo viloyati Sudi fuqarolik ishlari bo‘yicha sudlov
hay’ati sudyalari – D.Alimurodova va S. Raximov hamda viloyat jinoyat ishlari
bo‘yicha sudlov hay’ati sudyalari – I.Abrayev va O. Ergashev, oliygoh
korrupsiyaga qarshi kurashish “Komplayens nazorat” tizimini boshqarish bo‘limi
boshlig‘i U.Devonovlar “Korrupsiyaga qarshi kurashish”, “Yoshlarning huquqiy
madaniyatini oshirish” va “Yoshlar o‘rtasida huquqbuzarlik va jinoyatchilikni
oldini olish” mavzularida so‘z yuritdilar.
