O‘zbekiston Respublikasi Ichki ishlar vazirining 2019-yil 30-sentabrdagi "Ichki ishlar vazirligi Akademiyasi kursant va tinglovchilarining Ichki ishlar organlarida amaliyotlarini tashkil etish to‘g‘risida"gi buyrug‘i hamda Akademiyaning 2023/2024 o‘quv yilidagi o‘quv jarayoni jadvali ijrosini ta’minlash maqsadida IIV Akademiyasi boshlig‘ining 2024-yil 16-yanvar kunidagi 1-sonli Farmoyishining reja topshirig‘iga asosan, amaliyot davomida har bir kursant o‘zi ta’lim olgan maktab va IIV akademik litseyi, shuningdek o‘zi istiqomat qilayotgan mahalla fuqarolar yig‘inlarida hamda oliy ta’lim muassasalarida "Vatan muqaddas, uni himoya qilish sharafli burchdir!" mavzusida targ‘ibot tadbirini amalga oshirishlari ko‘rsatib o‘tilgan.

Shu boisdan 2024 yil 6 fevral kuni Termiz shahrida joylashgan 26 sonli umumiy o‘rta- ta’lim maktabning o‘quvchilari ishtirokida “Vatan muqaddas, uni himoya qilish sharafli burchdir” mavzusida targ‘ibot-tashviqot uchrashuvi o‘tkazildi.

Tadbirda IIV Akademiyasi, Surxondaryo viloyati IIB va Termiz shahar IIB mas’ul xodimlari hamda IIV Akademiyasi 3-o‘quv kursantlari ishtirok etishdi.

Ta’lim dargohida o‘tkazilgan targ‘ibot tadbirida tadbir ishtirokchilari tomonidan maktab o‘quvchi yoshlariga «Vatan» tushunchasining mazmun-mohiyati, sehru jozibasi va qudrati uning hammaga tengligi va barchani birlashtira olishi, “Vatanparvarlik” keng ma’noda kishining oilasiga, tug‘ilib o‘sgan yurtiga, xalqiga va vataniga bo‘lgan pok tuyg‘usi, ya’ni muhabbati, muhabbat inson qalbidagi yuksak fazilat hamda jamiyatda o‘zini namoyon etuvchi qadriyati, betakror madaniyatidan faxrlanishga, betakrorligini saqlab qolishga, boshqalardan farq qiluvchi jihatlarini anglashga, g‘amxo‘rlik ko‘rsatishga, Vatan va xalq manfaatlarini himoya qilishga o‘rgatishi to‘g‘risida tushunchalar berildi.

Bundan tashqari, maktab o‘quvchilariga Ichki ishlar vazirligi tasarrufidagi oliy va o‘rta maxsus ta’lim dargohlari to‘g‘risida ma’lumotlar berilib, mazkur ta’lim dargohlariga 2024/2025-o‘quv yili uchun o‘qishga tanlov e’lon qilinganligini ma’lum qilishdi.

Tadbir davomida, o‘quvchi yoshlar o‘zlarini qiziqtirgan savollariga javoblar olishdi.