Joriy yilning 24 sanasidan 30 sanasiga qadar Surxondaryo viloyatida jinoyat va huquqbuzarliklarning barvaqt oldini olish shuningdek xavfsiz hayotni ta’minlash maqsadida, “Dolzarb haftalik” etib belgilandi.

Ushbu haftalik doirasida, Surxondaryo viloyat IIB mas’ullari tomonidan qator chora-tadbirlar olib borilmoqda, kuni kecha boshqarma boshlig‘ining 1-o‘rinbosari Baxtiyor Inoqov dastavval Termiz shahar Ichki ishlar boshqarmasida bo‘lib, Termiz shahri hududida ko‘ngilsiz holatlarning oldini olish xizmatini to‘g‘ri tashkil etish borasida tergov tezkor guruhiga kerakli yo‘riqnomalar berildi.

Shuningdek sutkaning tungi vaqtlarida xizmat olib borayotgan sohaviy xizmat xodimlarining ish faoliyati ham o‘rganildi. Shaharning aholi gavjum joylarida jamoat tartibini saqlashga mas’ul bo‘lgan Patrul post xizmati xodimlari va Yo‘l patrul xizmati xodimlarining xizmat faoliyati bilan tanishish asnosida piyodalar va haydovchilarning harakat xavfsizligini ta’minlashga xizmat qiladigan yo‘l yotiq chiziqlarining chizilish jarayonlari ham ko‘zdan kechirildi.

Boshqarma boshlig‘ining birinchi o‘rinbosari tomonidan navbatdagi o‘rganish manzili Manguzar muntazam yo‘l patrul xizmati maskani bo‘ldi va manzilda xizmat burchini bajarayotgan xodimlarning ish faoliyati bilan tanishib avtotransport vositalari bilan bog‘liq holatlar yahni avtomashinalar olib qochilishi bilan bog‘liq holatlarning oldini olish borasida zarur choralarni ko‘rish bo‘yicha kerakli tavsiyalar berildi.