Surxondaryo viloyati Ichki ishlar boshqarmasi boshlig‘ining 1-o‘rinbosari B.Inoqov, sektor rahbarlari, mahalla faollari, keng jamoatchilik vakillari ishtirokida “Bog‘ishamol” hamda “Katta bog‘” mahallalarida sodir etilgan Transport vositasini olib qochish jinoyati muhokamasi o‘tkazildi.

Termiz shahar IIB boshlig‘i O‘.Shukurov sodir etilgan noxush jinoyatning kelib chiqish sabablari va uning oqibatlarini keng jamoatchilik e’tiboriga yetkazdi.

Viloyat IIB boshlig‘ining  1-o‘rinbosari B.Inoqov mahalla yettiligi va faollari har qanday salbiy holatlarni sodir bo‘lishiga imkon yaratmasliklari, balki uni oldini olishga harakat qilishlari, mahalladagi fuqarolar bilan profilaktik suhbatlar olib borish zarurligini, qolaversa,  yoshlar jamiyatda yurish-turish qoidalariga rioya etib, bo‘sh vaqtini mazmunli tashkil etish, foydali mashg‘ulot bilan o‘tkazishini nazorat qilish zarurligi shuningdek har bir avtoulov egalari hushyor va ogoh holda bo‘lishlari har bir haydovchi o‘z avtoulovlarini ochiq qoldirmasliklari, jinoyat sodir etilishiga sharoit yaratib bermasliklari yig‘ilganlarga tushuntirildi.

Muhokama yig‘ilishida shahar hududida, bu kabi jinoyatlarni sodir etilishiga yo‘l qo‘ymaslik yuzasidan tegishli mutasaddilarga muhim chora-tadbirlar belgilab berilib, ijrosi nazoratga olindi.

Yig‘ilish yakunida, yo‘l harakati xavfsizligi bo‘limi tomonidan ishtirokchilarga ogohlikka chorlovchi bukletlar tarqatildi.