Joriy yilning 4 iyul kuni, Surxondaryo viloyati viloyat Ichki ishlar boshqarmasi, viloyat prokuraturasi, Termiz shahar Ichki ishlar boshqarmasi, Termiz shahar prokuraturasi hamda hamkor tashkilotlar vakillaridan iborat ishchi guruh tomonidan “Obod va xavfsiz hudud” tamoyili asosida olib borilayotgan amaliy ishlar samarasini oshirish maqsadida tungi reydlar tashkil etildi.

Dastlab huquqtartibot organlari hamda hamkor tashkilotlar vakillaridan iborat ishchi guruh a’zolariga yo‘riqnoma o‘tkazilib, ushbu yo‘riqnomada shahar IIB boshlig‘i podpolkovnik O‘.R.Shukurov, shahar prokurorining o‘rinbosari A.Tursunov, viloyat IIB mas’ul xodimi podpolkovnik U.Ummatov va viloyat prokuraturasi bo‘lim boshlig‘i D.Mirzaevlar ishtirok etib, xodimlarga tadbir davomida xizmat intizomi va qonunchilikka qat’iy amal qilgan holda xizmat olib borishlari ta’kidlanib, fuqarolarning tinchligi, shahar osoyishtaligi, jamoat va yo‘l harakati xavfsizligini ta’minlash borasida aniq topshiriqlar berildi.

Albatta tinchlik va osayishtalikni ta’minlash, barqarorlik hamda turli ko‘ngilsizliklarning oldini olishda, osuda hayotimizni ta’minlashda tinchligimiz posbonlarining  alohida o‘rni bor. Termiz shahri hududida jinoyatchilik va huquqbuzarliklarni barvaqt oldini olish maqsadida tashkil etilgan navbatdagi profilaktik tadbir oldidan saf tortgan huquqni muhofaza qiluvchi organ xodimlarining asosiy maqsadi hisoblanadi.

Obod va xavfsiz hudud doirasida, Termiz shahri hududidagi turli ko‘ngilochar maskanlar, kompyuterxonalari va boshqa aholi gavjum maskanlarda, shuningdek, transport harakati serqatnov ko‘chalarda targ‘ibot tadbirlari olib borildi. Probatsiya nazoratida turgan shaxslar bilan profilaktik suhbatlar o‘tkazildi. Termiz shahar bo‘ylab jamoat osoyishtaligi va xavfsizligini ta’minlash, jinoyatchilikni keltirib chiqaruvchi omillarning oldini olish – bu kabi amaliy ishlardan kutilgan natija sanaladi.

Hamkorlikda o‘tkazilayotgan bu kabi tungi profilaktik tadbirlar belgilangan reja asosida davom etmoqda.