Termiz shahrida aholi murojaatlarini o‘rganish hamda ijobiy yechim topish maqsadida 3-sektor rahbarining “Sayyor qabuli” o‘tkazildi.
Muhtaram Prezidentimiz tashabbuslari bilan olib borilayotgan
islohotlar natijasida, aholini muammolarini o‘rganish va ularga ijobiy yechim izlash,
fuqarolarni bugungi kunidan rozi qilish maqsadida joylarda “Sayyor qabul”lar tashkil
etib kelinmoqda.
Ana shunday qabullarning
navbatdagisi Termiz shahar “Amu-Sohillari” mahallasida aholining yashash hamda turmush
sharoitlarini o‘rganish, mavjud muammolarni bartaraf etish maqsadida 3-sektor rahbari
Boltaev Murod Mamarajabovichning “Sayyor qabuli” tashkil etildi.
Ushbu sayyor qabulda
3-sektor rahbari, mas’ul korxona va tashkilot
xodimlari fuqarolarning tadbirkorlik faoliyatini yo‘lga qo‘yish, elektr energiyasi
va gaz ta’minoti, moddiy yordam olish, kontrakt to‘lovini to‘lash, ishga tiklash,
sog‘ligini yaxshilash, ichki yo‘llar ta’miri va boshqa bir qator masalalardagi o‘ttizga
yaqin murojaatlar tinglandi.
Murojaatlarning bir qismi
shu yerning o‘zida ijobiy hal etilgan bo‘lsa, ba’zi murojaatlar yuzasidan huquqiy
tushuntirishlar berildi. Ijrosini o‘rganish uchun qo‘shimcha muddat talab qiladigan
murojaatlar mas’ullarga yo‘naltirilib, boshqarma boshlig‘i tomonidan alohida nazoratga
olindi.
