Davlatimiz rahbarining vohamizga qilgan tashrifi davomida berilgan topshiriqlari ijrosini ta’minlash maqsadida, Termiz shahridagi qizil toifaga kiritilgan “Tuproqqo‘rg‘on” mahallasi fuqarolar yig‘inida mahallada ismtiqomat qiluvchi va shu hududda tadbirkorlik faoliyati bilan shug‘ullanib kelayotgan tadbirkorlar va fuqarolar uchrashuv bo‘lib o‘tdi.

Tashkil etilgan uchrashuvda Surxondaryo viloyati IIB boshig‘ining birinchi o‘rinbosari podpolkovnik B.Inoqov,  Termiz shahar xokimi O‘.To‘raev, shahar prokurori X.Mamatqulov, shahar IIB boshlig‘i podpolkovnik O‘.Shukurov, MG qo‘riqlash bo‘limi boshlig‘i mayor Sh.Qurbonovlar ishtirok etdi.

Uchrashuv davomida, mahallani jinoyatdan holi hududga aylantirish, har bir ko‘cha, ko‘p qavatli uylar va xizmat ko‘rsatish va savdo shahobchalarini zamonaviy kuzatuv kameralari bilan jihozlash, mahallani obodonlashtirish masalalari yuzasidan mas’ullar o‘z chaqiruvlari bilan ishtirok etib, yig‘ilganlar bilan o‘zaro fikr almashildi. Muloqot davomida, so‘zga chiqqan fuqarolar mahallaning tinchligi va obodligi yo‘lida barcha birdek mas’ulligi, bor ichki imkoniyatlardan to‘g‘ri va oqilona foydalanish orqali hududni to‘liq kameralashtirish orqali xavfsiz mahallaga aylantirishga tayyor ekanliklarini ta’kidlashdi.   

Shuningdek, uchrashuvga taklif etilgan tadbirkorlarga Milliy gvardiya qo‘riqlash bo‘limi xodimlari tomonidan zamonaviy qo‘riqlov pultining afzalliklari, tadbirkorlarga va fuqarlarimizga qulaylik tomonlari to‘g‘risida atoroflicha ma’lumotlar berib o‘tildi.

Shundan so‘ng sektor rahbarlari ishtirokida Tuproqqo‘rg‘on mahallasidagi “A.Navoiy” ko‘chasi 34 uyning 5 ta kirish yo‘lagiga raqamli qulf hamda jeton orqali xavfsizlik moslamalari bilan jihozlangan zamonaviy eshiklar “Smart xaus” MChJ tomonidan o‘rnatish ishlari olib borildi.

Ushbu uchrashuvdan ko‘zlangan asosiy maqsad esa fuqarolarimizning xavfsiligini ta’minlash, jinoyat va huquqbuzarliklarning barvaqt oldini olish va xavfsiz xonadon, xavfsiz mahallaga aylantirishga qaratilgan. Bu boradagi amaliy ishlar bosqichma bosqich vohaning barcha hududlarda izchillik bilan davom etmoqda.