Termiz shahar hokimi boshchiligida voyaga yetmaganlarga ijtimoiy-huquqiy yordam ko‘rsatish bo‘yicha muhokama yig‘ilishi bo‘lib o‘tdi.

Tashkil etilgan Termiz shahar voyaga yetmaganlar komissiyasi yig‘ilishida, Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy-huquqiy yordam ko‘rsatish markazi xodimlari, shahar prokurori, mutasaddi idora va tashkilotlar, vasiylik vakillari ishtirok etishdi. Muhokama davomida voyaga yetmagan fuqaroning kelgusi taqdiri, ta’limi va tarbiyasi, jamiyatdagi yurish-turishi va boshqa bir qator masalalar tanqidiy o‘rganildi.

Yig‘ilishda o‘rganilgan masalalar yuzasidan Termiz shahar voyaga yetmaganlar komissiyasi raisi tomonidan ko‘rib chiqilib, voyaga yetmaganlar komissiyasi qarori sifatida voyaga yetmaganning tarbiyasi yaqin qarindoshlari zimmasiga yuklatilib, ijtimoiy himoya idoralari hamda mahalla faollari tomonidan doimiy nazorat o‘rnatilishi, tibbiy yo‘sindagi davolash choralari ko‘rilishi belgilandi.

Termiz shahar voyaga yetmaganlar komissiyasi yig‘ilishi yakunida, voyaga yetmaganlarning huquq va manfaatlarini himoya qilish, ularni qo‘llab-quvvatlash hamda jamiyatga barkamol shaxs sifatida ulg‘aytirish yo‘lida barcha birdek mas’uliyat bilan yondashish lozimligi qayd etildi.