Surxondaryoda, "Sog'lom va barkamol oila" musobaqalari viloyat bosqichi yakunlandi
Bugun aholi orasida sog'lom turmush tarzini keng tadbiq etish, ommaviy sportni rivojlantirishga muhim e'tibor qaratilmoqda. Shu bilan birga, oilalarda kitobxonlik madaniyatini shakllantirish, unda ulg'ayayotgan yosh avlodni ham ma'naviyati yetuk, mustaqil fikrlashga qodir insonlar etib tarbiyalashga ham alohida urg'u berilayapti. Sababi, sport odamlarning jismoniy sog'lomligini kafolatlasa, kitobxonlik ma'naviy kamolotga yetkazishga xizmat qiladi. Respublikaning 3-sektor hududlarida yashovchi oilalar o'rtasida "Sog'lom va barkamol oila" shiori ostida o'tkazilayotgan sport musoboqalari va kitobxonlik bellashuvlaridan ko'zlangan maqsad ham shu aslida. Kuni kecha, ushbu bellashuvning Surxondaryo viloyat bosqichi bo'lib o'tdi.
Bellashuvda tuman bosqichida har ikki yo'nalishda 1-o'rinni qo'lga kiritgan oilalar ishtirok etishdi. Termiz shahridagi Termiz davlat unversitetining Pedagogika institutida bo'lib o'tgan musobaqada dastlab, mazkur sport musobaqalari va kitobxonlik bellashuvlarini o'tkazilishidan maqsad 3-sektor hududida yashovchi oilalarni sportga qiziqtirish, mahallalarda ommaviy sportni rivojlantirish hamda jismoniy va ma'naviy yetuk oilani yaratishdan iborat ekanligi ta'kidlandi.
Shundan so'ng, musobaqada oilaviy jamoalar sportning shaxmat-shashka, stol tennisi, badmenton, quvnoq startlar kabi turlari bo'yicha bahslashishdi. Kitobxonlik borasidagi bellashuv ham yanada qiziqarli va bahslarga boy bo'ldi.
Natijalarga ko'ra, sport musobaqasi yo'nalishida,
1-o'rin Termiz tumani 3-sektorda yashovchi Otamurodov Yangiboylar oilasi,
2-o'rin Qumqo'rg'on tumani 3-sektorda yashovchi Toshboev Boxodirlar oilasi,
3-o'rin Jarqo'g'on tumani 3-sektorda yashovchi Choriev To'ylilar oilasi,
Kitobxonlik bellashuvi yo'nalishida
1-o'rin Bandixon tumani 3-sektorda yashovchi Xoliqov Mirjalollar oilasi,
2-o'rin Jarqo'g'on tumani 3-sektorda yashovchi Allamurodov Xanifalar oilasi,
3-o'rin Qumqo'g'on tumani 3-sektorda yashovchi Olloyorov To'raqullar oilasi g'oliblikni qo'lga kiritdi.
G'oliblarni viloyat IIB boshlig'i, polkovnik A.Ismoilov tabrikladi va ularga diplom, esdalik sovg'alarini topshirdi.
Endilikda, mutloq g'oliblikni qo'lga kiritgan oilalar, ushbu musobaqaning Respublika bosqichida ishtirok etishadi.
Surxondaryo viloyati IIB axborot xizmati
