O'zbekiston Respublikasi Vazirlar Mahkamasining 2021 yil 24 avgustdagi 539-sonli qaroriga muvofiq, shuningdek, ichki ishlar organlari xodimlari faoliyatini yanada rag'batlantirish, Vatan oldidagi sharafli burchini ado etishdagi xizmatlari uchun ularni munosib taqdirlash, xodimlar o'rtasida sog'lom raqobat muhitini shakllantirish, o'z kasbining eng yaxshilarini aniqlash maqsadida, har yili "eng yaxshi hududiy ichki ishlar organi boshlig'i", "eng yaxshi profilaktika inspektori", "eng yaxshi tergovchi", "eng yaxshi tezkor xodim" nominasiyalari bo'yicha respublika ko'rik tanlovini o'tkazish an'ana tusini oldi.
Ko'rik tanlovda faxrli o'rinlarni qo'lga kiritgan eng yaxshi xodimlarni har yili "25 oktyabr — ichki ishlar organlari xodimlari kuni"ni nishonlash chog'ida taqdirlash belgilandi.
G'oliblarga byudjetdan tashqari mablag'lar hisobidan har oylik pul ta'minotining 100 foizigacha miqdorda bir yil davomida moddiy rag'batlantirish tartibi joriy etilishi esa har bir ichki ishlar organlari xodimlarining o'z kasbiga bo'lgan sadoqatini oshirishga xizmat qiladi.
Shu munosabat bilan bugun Surxondaryo viloyati ichki ishlar organlarida "eng yaxshi hududiy ichki ishlar organi boshlig'i", "eng yaxshi profilaktika inspektori", "eng yaxshi tergovchi", "eng yaxshi tezkor xodim" nominasiyalari bo'yicha ko'rik tanlovi o'tkazildi.
Tanlov ishtirokchilari, jismoniy va jangovar tayyorgarlik, bilimlari hamda ruhiy holatlarni aniqlashga qaratilgan test snovlari topshirishdi.
Tanlov yakuniga ko'ra, Surxondaryo viloyati ichki ishlar organlarida "eng yaxshi profilaktika inspektori" naminasiyasi bo'yicha, 3 o'rin Angor tumani IIB HPB profilaktika inspektori kapitan J.Xazratqulov, 2-o'rin Termiz tumani IIB HPB profilaktika inspektori katta leytenant O.Tojiev hamda faxrli 1-o'rinni Denov tumani IIB HPB TP profilaktika inspektori kapitan I.Musirovlar qo'lga kiritdi.
"Eng yaxshi tezkor xodim" naminasiyasi bo'yicha 3-o'rin Sherobod tumani IIB JQB tezkor vakili katta leytenant V.Jamolitdinov, 2-o'rin uzun tumani IIB JQB tezkor vakili katta leytenant E.Ortiqov, 1-o'rin Muzrabot tumani IIB T va EQKG katta tezkor vakili kapitan A.Xidirovlarga nasib etdi.
"Eng yaxshi tergovchi" naminasiyasi bo'yicha 3-o'rin Uzun tumani IIB huzuridagi tergov guruhi katta tergovchisi kapitan D.Xushboq, 2-o'rin Qiziriq tumani IIB huzuridagi tergov guruhi katta tergovchisi kapitan H.Toshtemirov, 1-o'rin Termiz shahar IIB huzuridagi tergov bo'limi tergovchisi katta leytenant J.Qurbonovlar qo'lga kiritishdi.
Surxondaryo viloyati ichki ishlar organlarida "eng yaxshi hududiy ichki ishlar organi boshlig'i" naminasiyasi bo'yicha o'tkazilgan ko'rik tanlovida 3-o'rin Bandixon tumani IIB boshlig'i mayor A.Berdinazarov, 2-o'rin Denov tumani IIB boshlig'i podpolkovnik E.Nurullaev, faxrli 1-o'rin esa Angor tumani IIB boshlig'i podpolkovnik M.Boltaevlar ko'rik tanlovning respublika bosqichida ishtirok etish huquqini beruvchi 1-, 2 - va 3-darajali diplom va esdalik sovg'alari topshirildi.
Surxondaryo viloyatida o'tkazilgan ko'rik tanlov g'oliblarini boshqarma boshlig'i polkovnik Abduvohid Ismoilov tabriklab, ularga Respublika bosqichidagi ishtiroki uchun omadlar tiladi.

Surxondaryo viloyati IIB axborot xizmati