Shahar va tumanlar IIB boshliqlari, Mahalla va oilani qo'llab-quvvatlash boshqarmasi, turizm va sport boshqarmasi, Madaniyat boshqarmalari hamkorligida aholining, ayniqsa, yoshlarni sportga qiziqtirish, mahallalarda ommaviy sportni rivojlantirish, ma'naviy yetuk oilani yaratish maqsadida, Respublikamizning 3-sektor hududlarida O'zbekiston Respublikasi ichki ishlar vaziri sovrini uchun oilalar o'rtasida "Sog'lom va barkamol oila" shiori ostida musobaqalar tashkil etildi.
Tashkil qilingan ushbu musobaqalar, Sport musobaqalari bo'yicha- "stol tennisi", "quvnoq startlar", "shashka", "shaxmat" va "badminton" sport uyinlari, shuningdek, kitobxonlik bellashuvlari bo'yicha "Eng yaxshi kitobxon oila", "Yosh kitobxon", "Men sevgan asar kaxramoni", "Baxru bayt" tez aytish va "Temur tuzuklari bilimdoni" bellashuvlarini o'z ichiga oladi.
Bellashuvlar, 2021 yilning 11 dekabr kuni Sho'rchi, Sariosiyo tumanlarida, 2021 yilning 13 dekabr kuni Termiz, Bandixon, Boysun, Qumqo'rg'on, Muzrabot, Oltinsoy hamda uzun tumanlarida, 2021 yilning 14 dekabr kuni Termiz shahar, Angor, Denov, Jarqo'rg'on, Sherobod hamda Qiziriq tumanlarida bo'lib o'tadi.
Aziz vohamizning 3-sektor hududida istiqomat qiluvchi fuqarolar tashkil etilgan, ushbu musobaqada faol ishtirok eting va g'oliblikni qo'lga kiritib, viloyat bosqichiga yo'llanma oling!

Surxondaryo viloyati IIB axborot xizmati