Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati Psixologik ta’minlash guruhi mutaxassis-psixologlar tomonidan amaliyotchi psixolog Nigina Xudoyberdieva bilan hamkorlikda Surxondaryo viloyati ichki ishlar organlari tarkibida  xizmat olib boradigan xodimalarning xizmat faoliyatini o‘ziga xos xususiyatlarini inobatga olgan holda, ularning xizmat samaradorligini oshirish va shaxsiy tarkib o‘rtasida sog‘lom ma’naviy-ruhiy muhit barqarorligini ta’minlash, xodimalarning individual-psixologik xususiyatlarini o‘rganish maqsadida xodimalar bilan yakka tartibda suhbat o‘tkazildi.

Bunda asosiy e’tibor, Ichki ishlar organlari shaxsiy tarkibi o‘rtasida salbiy holatlar kelib chiqishining oldini olish, ularning salomatligini muhofaza qilish, jamoalardagi ma’naviy-ruhiy muhit barqarorligini ta’minlash, shaxsiy tarkibning xizmat sharoitlarini yaxshilash, ularning oilaviy-maishiy muammolarini o‘rganish va ijobiy hal etishda ko‘maklashish borasida amalga oshirilishi lozim bo‘lgan tashkiliy, amaliy va tarbiyaviy profilaktik chora-tadbirlarga qaratildi.