Surxondaryo viloyati Ichki ishlar organlarida xizmat olib borayotgan huquqbuzarliklar profilaktikasi bo‘linmalarining voyaga yetmaganlar masalalari bo‘yicha (katta) inspektor-psixolog xodimalariga Surxondaryo viloyati IIB boshlig‘ining 2023-yil 30-oktabr kunidagi tegishli farmoyishiga asosan, joriy yilning 4-noyabr kunidan viloyat IIB Jamoat xavfsizligi xizmati Patrul-post xizmati va Jamoat tartibini saqlash boshqarmasi binosida ishdan uzilgan holda qisqa muddatli o‘quv mashg‘ulotlari o‘tkazilmoqda.

Mazkur o‘quv yig‘iniga jalb etilgan viloyat ichki ishlar organlari tarkibida xizmat olib borayotgan xodimalarga viloyat ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati mutaxassis-psixologlari hamda Termiz shahridagi 15-sonli umumta’lim maktabining amaliyotchi psixologi Shahnoza Ko‘chkeldievalar tomonidan xodimalarga fuqarolarning ruhiy va jismoniy holati, shaxslarning jins va yosh toifasidan kelib chiqib professional-ekspressiv harakatlar bilan samarali muloqotga kirishish, agressiyani qo‘zg‘atuvchi muomala va nokasbiy jestlardan tiyilish” yuzasidan kerakli tavsiya va ko‘rsatmalar berildi.

Shuningdek, mazkur o‘quv yig‘inini tashkil etishdan asosiy maqsad, viloyat ichki ishlar organlarining huquqbuzarliklar profilaktikasi bo‘linmalarining voyaga yetmaganlar masalalari bo‘yicha (katta) inspektor-psixologlarini fuqarolar bilan muloqot jarayonida kasbiy mahorati, muomala madaniyatini hamda jangovar shayligini oshirish, qolaversa, vaziyatni to‘g‘ri baholash orqali tezkor qaror qabul qilish ko‘nikmalari yanada oshirilmoqda.