O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan 2025 yilning 20-26 sentabr kunlari Termiz shahridagi Alpomish o‘yingohida sportning “mini-futbol” turi bo‘yicha Surxondaryo viloyati Huquqni muhofaza qiluvchi organlarida xizmat o‘tayotgan xodimlar o‘rtasida viloyat birinchiligi musobaqasi o‘tkazildi.

Ushbu musobaqada Surxondaryo viloyatida  xizmat o‘tayotgan Surxondaryo viloyati Ichki ishlar, Milliy gvardiyasi,  Davlat xavfsizligi xizmati, Bojxona, IIB Qo‘riqlash, Favqulodda vaziyatlar, Transportda xavfsizlikni ta’minlash boshqarmalari, DXX Chegara qo‘shinlari opreativ qo‘mondonligi va 9-son Tergov xibsxonasi  xodimlaridan iborat jami 11ta ta terma jamoadan  jami  88 nafar sportchilar ishtirok etishdi.

Xalqaro toifadagi hakamlar tomonidan baholab borilgan ushbu nufuzli musobaqa murosasiz bahslarga boy bo‘lib, natijalarga ko‘ra  1 o‘rinni  Surxondaryo viloyati IIB terma jamoasi, 2 o‘rinni viloyat bojxona boshqarmasi terma jamoasi, 3 o‘rinni DXX Chegara qo‘shinlari operativ qo‘mondonligi terma jamoalari qo‘lga kiritishdi.

G‘oliblar O‘zbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal va qimmatbaho esdalik sovg‘alari bilan taqdirlanib, sovg‘alar viloyat IIB boshlig‘i o‘rinbosari, Ma’naviy-ma’rifiy ishlar va kadrlar bilan ta’minlash xizmati boshlig‘i, podpolkovnik Zavkiddin Xujanov tomonidan tantanali ravishda topshirildi.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol”, “Yunon-Rum kurashi”, “Kombat aykido” “Voleybol” to‘garaklarida hozirgi kunda jami 427 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda.