O‘zbekiston Respublikasi Prezidentining 2019 yil 13 avgust kunidagi “O‘zbekiston Respublikasida turizm sohasini yanada rivojlantirish chora-tadbirlari to‘g‘risida”gi PF-5781 son farmoni asosida tayyorlangan “Yo‘l xaritasi” talablari ijrosini ta’minlash maqsadida, Surxondaryo viloyati IIB Xavfsiz turizmni ta’minlash boshqarmasi hamda viloyat Avtomobil yo‘llari bosh boshqarmasi mas’ul xodimlari hamkorligida, viloyat hududida joylashgan turizm namoyishi ob’ektlariga olib boruvchi avtomobil yo‘lining xavfsizlik darajasi ko‘rikdan o‘tkazildi.

Ko‘rik davomida “Al Hakim at-Termiziy” majmuasi, “Fayoztepa” va “Qoratepa” buddaviylik markazlariga olib boruvchi xalqaro, davlat, mahalliy ahamiyatga ega bo‘lgan va ichki avtomobil yo‘llarida o‘rnatilgan yo‘l belgilarini yangi zamonaviy intensiv nur qaytaruvchi yo‘l belgilariga almashtirish, yo‘l belgilarini ko‘rinishini cheklayotgan daraxt shohlarini butalash, yo‘l bo‘yi infratuzilmasini yaxshilash va obodonlashtirish, avtoturargohlarni ta’mirlash, nur qaytaruvchi razmetka chiziqlarini chizish, piyodalar yo‘lakchasini tashkil etish, yo‘llarga yoritish chiroqlari o‘rnatish yuzasidan Surxondaryo viloyat Turizm boshqarmasi, Avtomobil yo‘llari Bosh boshqarmasi, Ekologiya va Atrof-muhitni muhofaza qilish boshqarmasi, “Al Hakim at-Termiziy” yodgorlik majmuasi, Madaniy meros boshqarmalariga tegishli tartibda taklif va taqdimnomalar kiritildi.