O‘zbekiston Respublikasi Prezidentining “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yo‘naltirish bo‘yicha qo‘shimcha chora-tadbirlar to‘g‘risida”gi 2023 yil 20 yanvardagi PQ-10-son qarori, O‘zbekiston Respublikasi Ichki ishlar vazirligining “O‘zbekiston Respublikasi ichki ishlar organlarida professional darajada jismoniy, jangovar va kasbiy tayyorgarlikka ega xodimlarni rag‘batlantirish chora-tadbirlari to‘g‘risida”gi hamda “Ichki ishlar vazirligi tarkibiy tuzilma hamda hududiy bo‘linmalarida “Kasbiy olimpiada” musobaqasining birinchi va ikkinchi bosqichini tashkil etish va o‘tkazish to‘g‘risida”gi tegishli buyruqlari ijrosini ta’minlash maqsadida, Surxondaryo viloyati ichki ishlar boshqarmasining tarkibiy tuzilma hamda hududiy bo‘linmalarida “Kasbiy olimpiada” musobaqasining viloyat bosqichi o‘tkazildi.

Ichki ishlar organlarida yuqori kasbiy va jismoniy tayyorgarlikka ega xodimlarni tayyorlash borasida amalga oshirilayotgan ishlar samaradorligini oshirish maqsadida tashkil etilgan bellashuvda qatnashchilar kuch va mahoratlarini namoyon etishdi.

Sportning ko‘pkurash bahslarida bellashgan xodimlar kasbiy tayyorgarlik hamda Kasbiy madaniyat va xizmat intizomi kodeksi bo‘yicha test savollariga javob berishdi. 

Qizg‘in kechgan kasbiy olimpiada o‘yinlari yakunida “Eng yaxshi safdor”, “Eng yaxshi serjant”, “Eng yaxshi kichik ofitser”, “Eng yaxshi katta ofitser” nominatsiyalari hamda birinchi, ikkinchi va uchinchi o‘rinlarni egallagan xodimlar musobaqaning respublika bosqichida ishtirok etish yo‘llanmasini qo‘lga kiritishdi.