Xabaringiz bor, Surxondaryo viloyati hududida yashovchi 10 nafar 14 yoshdan 18 yoshgacha bo‘lgan huquqbuzarlik va jinoyat sodir etishga moyil, tarbiyasi og‘ir, bo‘lgan va salbiy hatti-xarakatlar sodir etganligi uchun profilaktik hisobga olingan yoshlar (qizlar) o‘rtasida kelgusida o‘tkazilayotgan huquqbuzarliklarni sodir etishlarini yoxud o‘zlari huquqbuzarlik va jinoyat qurboniga aylanishlarini oldini olishga qaratilgan “Kelajak sari” profilaktik tadbiri o‘tkazilishi davom etmoqda.

Surxondaryo viloyati Ichki ishlar boshqarmasi jamoat xavfsizligi xizmati huquqbuzarliklar profilaktikasi boshqarmasining voyaga yetmaganlarga ijtimoiy-huquqiy yordam ko‘rsatish markazida saqlanayotgan qizlar o‘rtasida o‘tkazilayotgan “Kelajak sari” profilaktik tadbirining oltinchi kunida tadbir ishtirokchilarida “Vatanparvarlik” ruhini oshirish hamda Surxondaryo viloyati Favqulotda vaziyatlar boshqarmasi faoliyati bilan yaqindan tanishish maqsadida, Surxondaryo viloyati FVBga tashrifi tashkil etildi. U yerda yoshlarga  maxsus texnika vositalari ko‘rgazmasi tashkil etilib, Favqulotda vaziyatlar boshqarmasi mutaxassislari tomonidan favqulotda vaziyatlarda, tabiiy ofatlarda va texnogen avariya, yong‘inga qarshi vaziyatlarida harakatlanish yuzasidan o‘quv-amaliy mashg‘ulotlari o‘tkazildi. Ushbu o‘quv-amaliy mashg‘ulotlarida markaz tarbiyalanuvchilari ham ishtirok etishib, o‘zlarining kuch va mahoratlarini sinab ko‘rishdi.

Bu kabi tadbirlarning  tashkil etilganligi kelgusida yoshlarda harbiylik kasbiga, qutqaruvchilik, o‘t o‘chiruvchilik kasblariga bo‘lgan qiziqishlarini oshirishdan iboratdir.

Kun davomida reja asosida Kambag‘allikni qisqartirish va bandlik boshqarmasi bilan hamkorlikda, Angor tumanidagi “Ishga marhamat” monomarkazida “Qandolatchilik” sirlaridan amaliy mashg‘ulot tashkillashtirilib, bu jarayonda qizlar shirinliklar pishirishni o‘rganishdi.

Eslatib o‘tamiz tadbir yakunida har bir ishtirokchi qizlarga monomarkazda o‘rgangan kasb-hunari bo‘yicha sertifikatlar taqdim etilishi rejalashtirilgan.

“Kelajak sari” profilaktik tadbiri o‘tkazilishi davom etmoqda.