Surxondaryoda o‘tkazilayotgan “Donorlik aksiyasi”da IIO xodimlari faol ishtirok etmoqda
Mamlakatimiz bo‘ylab “Bor mehrimiz senga, bolajon!” shiori ostida o‘tkazilayotgan hayriya donorlik aksiyasi doirasida, ko‘plab yurtdoshlarimiz qatori Surxondaryo viloyati ichki ishlar organlari tizimlarida xizmat olib borayotgan xodimlar ham sahovatli tashabbusda faol ishtirok etishmoqda.
Joriy yilning 4-iyun kuni Surxondaryo
viloyati Ichki ishlar boshqarmasi Ma’naviy-ma’rifiy ishlar va kadrlar bilan ta’minlash
xizmati hamda viloyat qon quyish markazi hamkorligida tashkil etilgan ushbu aksiya
doirasida xodimlar ko‘ngilli tarzda donorlikka hissa qo‘shishdi.
Donorlik jarayoni tibbiy nazorat
ostida tashkil etilib, avvalo qon topshirish istagini bildirgan xodimlar chuqur
tibbiy ko‘rikdan o‘tkazilgan holda “Donor”lardan qon olinmoqda.
Ushbu xayrli tashabbus nafaqat
bemor bolajonlarga yordam, balki sog‘lom turmush tarziga intilayotgan xodimlarning
sog‘ligi uchun ham muhim ahamiyat kasb etadi.
Ushbu donorlik aksiyasi 2025 yil 13 iyun kuniga qadar davom etadi, o‘tkazilayotgan donorlik aksiyasida faol ishtirok etishlaringizni tavsiya qilamiz!
