Avval xabar berganimizdek, Surxondaryo viloyati hududida yashovchi 10 nafar 14 yoshdan 18 yoshgacha bo‘lgan huquqbuzarlik va jinoyat sodir etishga moyil, tarbiyasi og‘ir, bo‘lgan va salbiy hatti-xarakatlar sodir etganligi uchun profilaktik hisobga olingan yoshlar (qizlar) o‘rtasida kelgusida o‘tkazilayotgan huquqbuzarliklarni sodir etishlarini yoxud o‘zlari huquqbuzarlik va jinoyat qurboniga aylanishlarini oldini olishga qaratilgan “Kelajak sari” profilaktik tadbiri o‘tkazilishi davom etmoqda.

Surxondaryo viloyati Ichki ishlar boshqarmasi jamoat xavfsizligi xizmati huquqbuzarliklar profilaktikasi boshqarmasining voyaga yetmaganlarga ijtimoiy-huquqiy yordam ko‘rsatish markazida saqlanayotgan qizlar o‘rtasida o‘tkazilayotgan “Kelajak sari” profilaktik tadbirining ikkinchi kunida tadbir ishtirokchilari markaz faoliyati va kun tartibi va voyaga yetmaganlar uchun u yerda yaratilgan shart-sharoitlar  bilan yaqindan tanishtirildi.

Markazga olib kelingan qizlar guruhlarga ajratilib, ular bilan profilaktik ishlar tashkillashtirilishi ko‘zdan kechirildi.

Tadbirning 3 kunida Markazga qabul qilingan voyaga yetmagan qizlarlarning ota-onasi yoki ularning o‘rnini bosuvchi shaxslari, vasiy va homiylari ishtirokida  oiladagi  farzand tarbiyasi bilan bog‘liq muammolari yuzasidan  murojaatlari  tinglanib, tegishli taribda qayd etilib,  maktabgacha va maktab ta’limi, sog‘liqni saqlash, kambag‘allikni qisqartirish va bandlik, oila va xotin-qizlar boshqarmalari va boshqa mutasaddi tashkilotlarga yo‘naltirish orqali ota-ona va bolalarning muammolarini hal qilish chora-tadbirlari amalga oshirildi.

Bundan tashqari  voyaga yetmagan qizlarlarning ota-onasi yoki ularning o‘rnini bosuvchi shaxslar, vasiy va homiylar bilan yakka tartibda psixologik xizmat faoliyati ham tashkil etildi.

“Kelajak sari” profilaktik tadbiri davom etmoqda.