Joriy yilning 1 iyul kunidan 1 avgust kuniga qadar Respublika miqyosida o‘tkazilayotgan “Kibermadaniyatni yuksaltirish oyligi” doirasida Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi profilaktika inspektorlari tomonidan tadbir davomida amalga oshirilayotgan ishlar va xato va kamchiliklar Viloyat IIB Jamoat xavfsizligi xizmati Huquqbuzarliklar profilaktikasi boshqarmasi boshlig‘i A.Xudoyberdiev, Vazirlik Tezkor-qidiruv Departamenti Kiber xavfsizlik markazi hamda viloyat IIB Tezkor-qidiruv xizmati Kiber xavfsizlik bo‘limi mas’ul xodimlari ishtirokida video selektor tariqasida muhokama etildi.

Muhokamada, Surxondaryo viloyati IIB Jamoat xavfsizligi xizmati Huquqbuzarliklar profilaktikasi bo‘lim, bo‘linma profilaktika inspektori tomonidan Respublika miqyosida o‘tkazilayotgan “Kibermadaniyatni yuksaltirish oyligi” doirasida viloyatdagi jami 724 ta mahallalardagi davlat tashkilotlari, korxona va muassasalaridagi ishchi xodimlar bilan uchrashib Internet va ijtimoiy tarmoqlardan foydalanish madaniyatini oshirishda elektron to‘lov vositalaridan xavfsiz foydalanish usullari, shaxsga doir ma’lumotlarni ishonchli himoya qilish va ulardan noqonuniy foydalanishga yo‘l qo‘ymaslik uslublari, boshqalarning shaxsga doir ma’lumotlarini noqonuniy to‘plash va undan foydalanib, tovlamachilik, kiberzo‘ravonlik kabi qilmishlar sodir etishning oldini olishga qaratilgan targ‘ibot va tashviqot tadbirlari olib borilmoqda.

Respublika miqyosida o‘tkazilayotgan “Kibermadaniyatni yuksaltirish oyligi” doirasida viloyatning Sho‘rchi, Oltinsoy, Denov, Sherabod, Bandixon, Uzun tumani IIBning mas’ul xodimlari mazkur oylik doirasida ishlarni to‘g‘ri tashkil etmagani bo‘yicha qattiq ogohlantirildi.

Shuningdek, tadbir yakunida eng faol ishtirok etgan profilaktika inspektorlarini moddiy va ma’naviy rag‘batlantirish takliflari kiritilgani yuzasidan ma’lum qilindi.