2023 yil 21 dekabr kuni Surxondaryo viloyati IIB Migratsiya va fuqarolikni rasmiylashtirish boshqarmasi mas’ul xodimining xizmat xonasiga Surxondaryo viloyati Termiz shahrida tadbirkorlik faoliyati bilan shug‘ullanayotgan Afg‘oniston Islom Respublikasi fuqarosi D.Sabir (ism shariflar o‘zgartirilgan) kelib, hozirgi kunda Termiz shahrida yashab kelayotgan voyaga yetmagan, 2005 yilda tug‘ilgan farzandi D.Amanni 5-6 oy davomida vizasiz O‘zbekiston Respublikasi hududida yashab turishi yoki unga noqonuniy ravishda viza rasmiylashtirib berishi uchun 800 AQSh dollari miqdorida pora taklif qiladi.

Mas’ul xodim tomonidan esa D.Sabirga pora olish va berish jinoyatlari to‘g‘risida takror va takror huquqiy tushuncha berilishigaqaramasdan unga pora taklif qilishda davom etadi.

Surxondaryo viloyati IIB Migratsiya va fuqarolikni rasmiylashtirish boshqarmasi mas’ul xodimining O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i nomiga yozgan bildirgisiga asosan 2023 yil 23 dekabr kuni O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi, Davlat xavfsizlik xizmati Surxonlaryo viloyati boshqarmasi hamda Iqtisodiy jinoyatlarga qarshi kurash departamenti xodimlari bilan hamkorlikda o‘tkazilgan tezkor tadbirda, Afg‘oniston Respublikasi fuqarosi D.Sabir 800 AQSh dollari miqdoridagi pulllarni pora tariqasida berayotgan vaqtida ushlangan.

Hozirda mazkur holat yuzasidan Termiz shahar prokuraturasi tomonidan tergovga qadar tekshiruv harakatlari olib borilmoqda.

 Surxondaryo viloyati IIB Axborot xizmati