O‘zbekiston Respublikasi Vazirlar Mahkamasining 2021 yil 3 avgust kunidagi “Voyaga yetmaganlarga ijtimoiy-huquqiy yordam ko‘rsatishni yanada takomillashtirish chora-tadbirlari to‘g‘risida”gi 490-sonli qarori asosida Surxondaryo  viloyati IIB Jamoat xavfsixligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy-huquqiy yordam ko‘rsatish markazida bir qator amaliy ishlar olib borilmoqda.

Ushbu markaz psixologi tomonidan Markazga qabul qilingan va saqlanayotgan  voyaga yetmaganlar bilan ijtimoiy-ruhiy muhit, voyaga yetmaganning atrof muxitga  va bo‘layotgan  voqea  hodisalarga  bo‘lgan  munosabatlarini aniqlash hamda psixoprofilaktik  ishlar olib borildi. Shu jumladan psixodiagnostika natijalariga ko‘ra psixologik konsultatsiyalar berildi va metodikalar o‘tkazildi, olingan metodikalarning natijalariga ko‘ra temperamentlari aniqlanishi bilan birga ularga psixologik portretlar ishlab chiqilib, xulosalar berildi. Markazga qabul qilingan voyaga yetmaganlarning ota-onalari chaqirtirilib  oilasining ijtimoiy ahvoli, oiladagi bir-biriga bo‘lgan  munosabatlarning qanchalik sog‘lom ekanligi, ota-onalarning farzand tarbiyasidagi ma’suliyati ularning qadriyatlar tizimi chuqur o‘rganilib tushuntirish ishlari olib borildi.

Markazga qabul qilingan har bir voyaga yetmagan bilan alohida-alohida individual suhbatlar olib borilib, psixotreninglar o‘tkazildi. Ularning kelgusida tuzalish yo‘lini tanlashlari uchun kasbga yo‘naltirish maqsadida Zef tekstil va Barqaror hayot halqaro ijtimoiy ma’rifat markaziga olib borilib tikuvchilik qandolatchilik va sartaroshlik kasb-hunarlarining sir sinoatlari haqida tushuntirishlar berildi.