Joriy yilning 29 iyul kuni Sherobod tumani IIBda Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati mutaxassis-psixologlari tomonidan viloyat IIB Yo‘l harakati xavfsizligi boshqarmasi bo‘linmalari yo‘l patrul xizmati bataloni 2-Safarbarlik guruhi Yo‘l patrul-xizmati inspektorlari bilan navbatdagi psixologik trening mashg‘uloti o‘tkazildi.

Trening mashg‘ulotida xodimlar fuqarolar bilan to‘g‘ridan-to‘g‘ri muloqotga kirishish jarayonlarida o‘zlarini samimiy va xushmuomalada bo‘lishlari, shaxsiy tarkibning ichki potensiallarini yuzaga chiqarish va uning kuchli tomonlarini namoyon qilish, axloqiy-ruhiy tayyorgarlik darajasini oshirish, ulardagi vatanparvarlik, mardlik, jasorat singari tuyg‘ularini yanada oshirish, shuningdek, hissiy zo‘riqish, stress va tushkunlik holatlarining oldini olish, favqulotda hamda ekstremal vaziyatlarda to‘g‘ri qaror qabul qilish qobiliyatlarini shakllantirishga qaratildi.

Doimiy ravishda, Surxondaryo viloyati Ichki ishlar organlari xodimlari hamda harbiy xizmatchilari o‘rtasida salbiy holatlarni oldini olish, ularning ruhiy salomatligini muhofaza qilish, jamoalardagi ma’naviy-ruhiy muhit barqarorligini ta’minlash, shaxsiy tarkibning xizmat sharoitlarini yaxshilash, ularning oilaviy-maishiy muammolarini o‘rganish va ijobiy hal etishda ko‘maklashish, xodimlardagi ruhiy o‘zgarishlarning sabablarini chuqur o‘rganish borasida amalga oshirilishi lozim bo‘lgan tashkiliy, amaliy va tarbiyaviy profilaktik chora-tadbirlar amalga oshirilib kelinmoqda.

Surxondaryo viloyati IIB Axborot xizmati