12 Fevral 2024 yil 268

Surxondaryoda iste’molga yaroqsiz go‘sht mahsuloti savdosining oldi olindi

Joriy yilning 11 fevral kuni soat 23-58 larda Surxondaryo viloyati IIB Jamoat xavfsizligi xizmati Jamoat tartibini saqlash boshqarmasi Karantin tadbirlarini ta’minlash bo‘linmasi hamda viloyat veterinariya va chorvachilikni rivojlantirish boshqarmasi xodimlari tomonidan hamkorlikda “Darband” YPX maskanida o‘tkazilgan reyd tadbirlari davomida Boysun-Qashqadaryo yo‘nalishi bo‘yicha harakatlanib kelayotgan Qashqadaryo viloyati Qarshi tumanida yashovchi 1984 yilda tug‘ilgan fuqaro E.Z. boshqaruvidagi Kobilt rusumli avtomashina to‘xtatilib yukxonasi tekshirilganda biror bir veterinariya hujjatlarisiz 160 (bir yuz oltmish) kg yirik shoxli mol go‘shti olib ketilayotganligi aniqlangan.

Boysun tuman Veternariya va chorvachilikni rivojlantirish bo‘limi hayvonlar kasalliklari tashxisi va oziq-ovqat mahsulotlari xavfsizligi davlat markazi laboratoriyasining xulosasiga ko‘ra ushbu mahsulot iste’molga yaroqsiz ekanligi aniqlanib, go‘sht mahsuloti egasiga nisbatan tegishli tartibda chora ko‘rilgan.

Text to speech