28 Fevral 2024 yil 578

Surxondaryoda IIV ishchi guruhi a’zolari tomonidan o‘quv seminari tashkil etildi.

O‘zbekiston Respublikasi Ichki ishlar vaziri tomonidan tasdiqlangan reja-topshiriqqa asosan vazirlik ishchi guruhi mas’ul xodimlari tomonidan viloyat va hududiy ichki ishlar organlari tashkiliy bo‘linmalari xodimlari ishtirokida tizimdagi ijrochilik intizomini ta’minlash ahvoli va Situatsion-tahliliy markaz faoliyatini o‘rganish davomida aniqlangan kamchiliklarni bartaraf etish yuzasidan videoselektor tarzida amaliy o‘quv seminari o‘tkazildi.

O‘quv seminar davomida, ishtirokchilarga vazirlik Tashkiliy departamenti mas’ul xodimlari tomonidan Surxondaryo viloyati sohaviy, hududiy bo‘linmalari ijro intizomiga mas’ul bo‘lgan xodimlariga O‘zbekiston Respublikasi Prezidentining 2021 yil 10 fevraldagi PF-6166-son Farmoni, Vazirlar Mahkamasining 1999 yil 12 yanvardagi 12-sonli qarori, Vazirlikning 1999 yil 31 yanvar kunidagi «O‘zbekiston  Respublikasi ichki ishlar idoralarida nazorat tizimini takomillashtirish to‘g‘risida»gi va 2017 yil 28 dekabr kunidagi «O‘zbekiston Respublikasi Ichki ishlar vazirligi Hay’ati faoliyatini tashkil etish to‘g‘risida»gi tegishli buyruqlari talablari bo‘yicha batafsil ma’lumotlar berilib, sohada amalga oshirilishi lozim bo‘lgan chora-tadbirlar hususida fikr almashilib, aniqlangan kamchiliklarni bartaraf etish yuzasidan tegishli tushuntirish ishlari olib borildi. Xodimlar tomonidan berilgan savollarga mutaxassislar tomonidan tegishli javoblar olindi.

Axborot xizmati

Text to speech