Surxondaryoda Ichki ishlar organlari xodimlari sharaflandi
Termiz shahridagi “Muhtasham”
tantanalar saroyida Ichki ishlar organlari tashkil etilganining 32 yilligi hamda
25 oktabr – Ichki ishlar organlari xodimlari kuni munosabati bilan viloyatning asosiy
bayram tadbiri nishonlandi.
Davlat va jamoat tashkilotlari,
huquq-tartibot idoralari rahbarlari, viloyat ichki ishlar organlari xodimlari, faxriylar
va xizmat burchini bajarish chog‘ida halok bo‘lgan fidoyi o‘g‘lonlarning oila a’zolari,
jamoatchilik vakillari ishtirok etgan tadbirda viloyat hokimi Ulug‘bek Qosimov tinch,
osuda hayotimiz qo‘riqchilari, huquq va erkinliklarimizning ishonchli himoyachilarini
kasb bayramlari bilan samimiy tabrikladi.
Tadbirda samarali xizmatlari uchun
taqdirlangan bir guruh xodimlarga Ichki ishlar vazirligining ko‘krak nishonlari,
pul mukofotlari, shuningdek, viloyat hokimi va viloyat ichki ishlar boshqarmasining
faxriy yorliqlari, qimmatbaho va esdalik sovg‘alari tantanali topshirildi.
To‘kin dasturxon atrofida davom etgan bayram tadbirida
qiziqarli konsert dasturi namoyishi hamda elimiz suygan san’atkorlarning chiqishlari
va ijro etgan kuy-qo‘shiqlari tadbir ishtirokchilariga ko‘tarinki kayfiyat ulashdi.
