Respublikamiz hududida joriy yilning 3 avgust kunidan 5 sentabr kuniga qadar “Xavfsiz hudud va mulkiy turdagi jinoyatlar profilaktikasi oyligi” maxsus profilaktik tadbirini o‘tkazish chora-tadbirlari to‘g‘risidagi qo‘shma Qarorga asosan  Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasi Voyaga yetmaganlarga ijtimoiy-huquqiy yordam ko‘rsatish Markazi xodimlari tomonidan voyaga yetmaganlar o‘rtasida profilaktik tadbirlarni amalga oshirish maqsadida, Termiz shahar xududida nazoratsiz va qarovsiz, tilamchilik bilan shug‘ullanib yurgan voyaga yetmaganlarni shaxsiga aniqlik kiritish ishlari olib borildi.

Jamoat joylari hamda avtoulovlar serqatnov yo‘llarda qarovsiz va tilamchilik qilib yurgan voyaga yetmaganlar markazga olib borilib, profilaktik surishtiruv ishlari olib borildi.

Voyaga yetmaganlar bilan olib borilgan profilaktik ishlar natijasida ularning Jarqo‘rg‘on va Sherobod tumanida istiqomat qilishligi ma’lum bo‘lib, ushbu tumanlarning Inson ijtimoiy xizmatlar markazi bolalarni ijtimoiy himoya qilish sho‘ba mudirlari, voyaga yetmaganlar va yoshlar o‘rtasida huquqbuzarliklar profilaktikasini tashkil etish guruhi inspektorlari bilan hamkorlikda muhokama yig‘ilishi o‘tkazildi.

O‘tkazilgan muhokama yig‘ilishga voyaga yetmagan bolalarning ota-onalari chaqirtirilib, voyaga yetmagan farzandlarini majburiy mehnatga jalb qilmasligi, nazoratsiz va qarovsiz qoldirmasligi, majburiy ta’limga jalb etilishlari yuzasidan tushuntirish ishlari olib borilib, ushbu yo‘nalishlarda ota-onalik majburiyatlarini to‘liq bajarmaganligi uchun ushbu ota-onalarga nisbatan qonunchilikda belgilangan tartibda choralar ko‘rildi.