Davlatimiz rahbarining topshiriqlariga binoan,  fuqarolarning  osoyishtaligini ta’minlash, kriminogen vaziyatni barqarorlashtirish, aholini qish mavsumida energiya resurslari (elektr, tabiiy va suyultirilgan gaz, ko‘mir, issiq suv) bilan to‘liq ta’minlash hamda bu borada tegishli idora va tashkilotlar vakillarining mas’uliyatini oshirishga qaratilgan qator tadbirlar Surxondaryo viloyatining barcha hududlarida ham amalga oshirilib kelinmoqda.

Joriy yilning 21 dekabr kuni Surxondaryo viloyati IIB boshlig‘i Timur Ismailov boshchiligida soha mas’ullari hamda hamkor tashkilotlarning mutasaddilari ishtirokida ijtimoiy soha ob’ektlari, shifoxonalar, ko‘p qavatli uylardagi issiqlik bilan ta’minlovchi korxonalar faoliyati bilan yaqindan tanishildi. U yerdagi mavjud imkoniyat va sharoitlar o‘rganilib aniqlangan kamchilliklarni bartaraf etish yuzasidan mutasaddilarga tegishli topshiriqlar berildi.

O‘rganish davomida Termiz shahar Tibbiyot birlashmasidagi qozonxonaning issiqlik manbaini ishlab chiqaruvchi quvvati hamda Tibbiyot birlashmasi kasalxonaning issiqligi, bemorlar uchun yaratilgan shart-sharoitlar bilan yaqindan tanishilib, Tibbiyot birlashmasi mas’ullari hamda ishchi xizmatchilari bilan suhbatlar o‘tkazildi.

Shundan so‘ng, o‘rganish manzili Termiz shahar Ma’rifat mahallasi hududida joylashgan Termiz shahar gaz ta’minoti bo‘limi u yerdagi aholiga gaz yetkazib berish sharoitlari, navbatchilik qismi faoliyatlari bilan tanishilib, muammoa va kamchilliklari o‘rganildi.

Keyingi o‘rganish manzili Termiz shahar “Hududiy elektr tarmoqlari” AJning ETK-6-110kv MNEMOS sxemasi, elektr energiyasida nosozlik va avariya holatlari sodir bo‘lganda aholiga tezkorlik bilan xizmat ko‘rsatuvchi “Tezkor chiqish avtomobil” guruhlari hamda tezkor navbatchilik faoliyatining muammo va kamchilliklari o‘rganildi.

Bundan tashqari, “Manguzar” YPX maskanida tungi xizmatga jalb qilingan sohaviy xizmat xodimlari tomonidan olib borilayotgan tungi xizmat faoliyatini o‘rganib, xodimlarga yo‘riqnoma o‘tkazilib, aniqlangan kamchilliklarni zudlik bilan bartaraf etish yuzasidan mas’ullarga tegishli topshiriqlar berildi.