Surxondaryo viloyatining Termiz hamda Angor tuman hududlarida “Yashil makon” dasturi doirasida manzarali ko‘chatlar ekilmoqda
Joriy yilning 25 oktabr kunidan 1 dekabr kuniga qadar mamlakatimiz bo‘ylab
“Yashil makon” umummilliy harakati doirasida “kuzgi daraxt ekish mavsumi” o‘tkazilishi
belgilangan.
Shu munosabat bilan ayni jarayonda yurtimiz bo‘ylab 85 million tup, viloyatimizda
esa qariyb 7 million tupdan ortiq ko‘chat ekish ko‘zda tutilmoqda.
O‘zbekiston Ekologik partiyasidan saylangan Oliy Majlis Qonunchilik palatasi
deputatlari, Surxondaryo viloyat ichki ishlar boshqarmasi boshlig‘i polkovnik A.Ismoilov,
Ekopartiya Surxondaryo viloyat Kengashi hamda viloyat IIB mas’ul xodimlari, tuman
IIB rahbariyati va xodimlari ishtirokida Termiz - Angor tumanlarini tutashtiruvchi
M39 magistral yo‘lining ichki ishlar boshqarmasiga tegishli 6 km hududiga bog‘bonlar
bilan maslahatlashgan holda ularning tajribalari asosida jami 5 ming tup manzarali
daraxt ko‘chatlari ekildi.
Tadbir doirasida ekilgan daraxt ko‘chatlarini
sug‘orish va
parvarishlash bo‘yicha mas’ullarga tegishli
ko‘rsatmalar berildi.
