Hududlarda Sayyor o‘quv-mashg‘ulotlari ijtimoiy profilaktika tizimi samaradorligini oshirish maqsadida tashkil qilinmoqda.

Bunda O‘zbekiston Respublikasi IIV Akademiyasi professor-o‘qituvchilari, davlat hokimligi va idoralari, huquq tartibot organlari, jamoat  tashkilotlari mas’ullari tomonidan ijtimoiy profilaktikaning mazmun-mohiyati, fuqarolar bilan ishlashda inson huquqlari va qonuniy manfaatlarini ta’minlash mexanizmlari, “mahalla yettiligi” vakillarining ijtimoiy profilaktika obektlari bilan amalga oshiradigan chora-tadbirlari, shuningdek, faoliyatga oid hujjatlarni yuritish tartibi batafsil tushuntirilmoqda.

Termiz muhandislik texnologiya institutida tashkil etilgan sayyor o‘quv mashg‘ulotida, vohaning 7 ta tuman sektor rahbarlari hamda “qizil toifa”ga kiritilgan 27 ta “mahalla yettiligi” faollari ishtirok etishdi. 

Ushbu sayyor o‘quv-mashg‘ulotida Surxondaryo viloyati IIB boshlig‘i o‘rinbosari, Jamoat xavfsizligi xizmati boshlig‘i podpolkovnik M.Boltaev ham o‘z ma’ruzasi bilan ishtirok etib, unda O‘zbekiston Respublikasi Ichki ishlar vazirligi, Kambag‘allikni qisqartirish va bandlik vazirligi hamda Yoshlar siyosati va sport vazirligining 2023 yil 30 mart kunidagi qo‘shma qaroriga binoan, viloyatda “Obod va xavfsiz mahalla” tamoyili asosida mahallalarda xavfsiz muhitni yaratish bo‘yicha “mahalla yettiligi”ga aniq vazifalar belgilab berilganligi, bu esa o‘z navbatida mahallalarda aholi kayfiyatiga salbiy ta’sir etuvchi omillarni bartaraf etish, jinoyatchilikni jilovlash, huquqbuzarliklarni barvaqt oldini olish borasida o‘zini ijobiy natijalarini bera boshlaganligi alohida qayd etildi.

Shuningdek, Muhtaram Prezidentimiz tomonidan mahalla institutining jamiyatdagi rolini tubdan oshirish va aholi muammolarini hal etishda birinchi bo‘g‘in sifatida ishlashini ta’minlash borasida qabul qilingan Farmon va Qarorlari sektor rahbarlari va mahalla mas’ullari uchun juda katta imkoniyat yaratilganligi ham ta’kidlandi.

Bundan tashqari mahalla faollarining har birining o‘z xizmat vazifalarida huquqbuzarliklarni barvaqt oldini olish va jinoyatchilikka qarshi kurashish bo‘yicha vazifalar haqida so‘z yuritildi.

Surxondaryo viloyatidagi sayyor mashg‘ulotlari “mahalla yettiligi” a’zolarining bilim va ko‘nikmalari oshirilishi borasidagi ishlar vohaning boshqa mahallalarida ham o‘tkazilishi davom etmoqda.