Surxondaryo viloyatining barcha hududlarida o‘tkazilayotgan "Xavfsiz hudud va mulkiy turdagi jinoyatlar profilaktikasi" maxsus-kompleks profilaktik tadbirlari doirasida bir qator amaliy ishlar olib borilmoqda.
Xususan, mahallalarda,
savdo do‘konlarida va jamoat joylari, jamoat transportlarida aholi vakillariga o‘g‘irlik
va boshqa turdagi jinoyatlar qurboniga aylanib qolmaslik borasida keng qamrovli
targ‘ibot ishlari amalga oshirilmoqda.
Targ‘ibot tadbirlarida
fuqarolarning o‘z mol-mulklariga e’tiborsiz munosabatda bo‘lmasliklari tushuntirilib,
bu kabi holatlar ko‘plab jinoyatlarning kelib chiqishiga sabab bo‘layotganligi
hayotiy misollar orqali yetkazilmoqda.
Bundan tashqari,
barcha shahar-tumanlarning avtomobillar va aholi gavjum hududlariga o‘rnatilgan,
fuqarolar diqqatini tortadigan elektron monitorlar orqali o‘g‘irlik va firibgarlik
jinoyatlaridan ogohlikka chaqiruvchi qisqa videoroliklar doimiy ravishda ko‘rsatib
borilmoqda.
Vohaning
barcha hududlarida "Xavfsiz hudud va mulkiy turdagi jinoyatlar profilaktikasi"
maxsus-kompleks profilaktik targ‘ibot tadbirlari
izchillik bilan davom etmoqda.
