Joriy yilning 16 iyun kuni Termiz Davlat universitetida bo‘lib o‘tgan yig‘ilishda viloyat hokimi Ulug‘bek Qosimov, viloyat IIB boshlig‘i polkovnik Timur Ismailov hamda davlat boshqaruvi va huquqni muhofaza qiluvchi organlar, "Mahalla yettiligi"ning viloyat boshqarmalari rahbarlari, shahar-tuman hokim, prokuror, IIB boshliqlari hamda ularning tegishli o‘rinbosarlari ishtirok etdi.

Yig‘ilishda, viloyat mas’ullari tomonidan so‘nggi yillarda mahallabay jinoyatchilikni jilovlash, aholining tinch va osoyishta hayot kechirishi uchun zarur shart-sharoitlar yaratish borasida tizimli ishlar amalga oshirilayotganligi ta’kidlanib,  Prezidentimizning 2025-yil 3-yanvardagi PQ-1-sonli qarori ijrosi, jinoyatchilikni barvaqt oldini olish, ijtimoiy profilaktika hamda mahalla yettiligi hamkorligi bo‘yicha  amalga oshirilayotgan ishlar,  yo‘l qo‘yilgan kamchiliklar tanqidiy ko‘rib chiqildi.

Mahallalarni jinoyatdan holi hududga aylantirish, kriminogen vaziyatni jilovlash, jamoat tartibi va fuqarolar xavfsizligini ta’minlashda  jamoatchilik bilan hamkorlikni ta’minlash lozimligi qayd etildi.

Yig‘ilish yakunida, muhokama qilingan masalalar bo‘yicha bildirilgan takliflar inobatga olingan holda kelgusida amalga oshirilishi lozim bo‘lgan istiqbolli vazifalar va zarur chora-tadbirlar belgilab olindi.