O‘zbekiston Respublikasi Ichki ishlar vaziri o‘rinbosari general-mayor B.Abdullaev tomonidan 2023-yil 7-oktabr kuni tasdiqlangan sayyor o‘quv dasturiga asosan, Surxondaryo viloyati Ichki ishlar organlarining barcha profilaktika (katta) inspektorlarining malakasini oshirishga doir onlayn o‘quv yig‘inlari tashkil etildi.

Ikki kun davomida o‘tkazilgan sayyor o‘quv yig‘inlarida profilaktika (katta) inspektorlarining huquqiy bilimlari va kasbiy mahoratlarini oshirish choralari ko‘rilib, bunda Ichki ishlar vazirligi Akademiyasining professor o‘qituvchilari, Jinoyat ishlari bo‘yicha Sudi raisi A.Mirzaevlar  tomonidan zamonaviy interfaol usullari hamda o‘quv vositalaridan foydalanilgan holda tezkor va kriminogen vaziyatni o‘rganish va tahlil qilish, favqulotda vaziyatlar yuzaga kelganda tez va to‘g‘ri qaror qabul qilish bo‘yicha malakalarini shakillantirish, profilaktika (katta) inspektorlarining xizmat faoliyatini zamonaviy talablar asosida tashkil etish yuzasidan tegishli tavsiyalar berildi.

Shuningdek, profilaktika (katta) inspektorlarining xizmat qilayotgan hududlariga mos, ya’ni shahar va qishloq sharoitida faoliyatni olib borishga doir bilimlari ham oshirilib, sohaga oid huquqiy xujjatlar mohiyati va mamlakatimizda kechayotgan siyosiy-iqtisodiy va ijtimoiy islohatlardan habardorligi ta’minlandi.

Sayyor o‘quv mashg‘ulotlarida Mamalakatimiz Predidentining 2021-yil 29-noyabr kunidagi “O‘zbekiston Respublikasi Jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida”gi farmonida belgilangan vazifalarga ham alohida e’tibor qaratilib, ushbu farmon maqsad va vazifalari haqida atroflicha tushunchalar berildi.