O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan, yilning 26-27 oktabr kunlari Termiz shahridagi viloyat IIB sport majmuasida Huquqni muhofaza qiluvchi organlari xodimlari o’rtasida, sportning “Volebol” turi bo‘yicha “Dinamo” Jismoniy tarbiya va sport jamiyati raisi kubogi  musobaqasi o‘tkazildi.

Sport musobaqasi murosasiz baxslarga boy bo‘lib, viloyatda  xizmat o‘tayotgan Surxondaryo viloyati Milliy gvardiyasi boshqarmasi,  Ichki ishlar,  Davlat xavfsizligi xizmati,  IIB Qo‘riqlash hamda Favqulodda vaziyatlar boshqarmasi, Termiz aeraportida xavfsizlikni ta’minlash aloxida bataloni xodimlaridan iborat  8ta ta terma jamoadan  jami  64 nafar sportchilar qatnashdilar.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra, 3-o‘rinni viloyat IIB Qo‘riqlash boshqarmasi terma jamoasi, 2-o‘rinni Surxondaryo viloyati IIB  terma jamoasi egallagan bo’lsa, faxrli  1- o‘rinni  Davlat xavfsizligi boshqarmasi a’zolari qo‘lga kiritishdi.

G‘oliblar Surxondaryo viloyat IIB boshlig‘ini o‘rinbosari podpolkovnik Xo‘janov Zavqiddin Murodinovich tomonidan, O‘zbekiston Respublikasi IIV “Dinamo” JTSJ Surxondaryo viloyati Kengashining diplom, medal va qimmatbaxo esdalik sovg‘alari bilan taqdirladilar.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” “Voleybol” to‘garaklarida hozirgi kunda jami 427 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda.