O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan 2025 yilning 10-11 mart  kunlari  Termiz shahridagi viloyat IIB Sport majmuasida sportning “Voleybol” turi bo‘yicha Surxondaryo viloyati Huquqni muhofaza qiluvchi organlarida xizmat o‘tayotgan ayol xodimalari o‘rtasida “Dinamo” jismoniy tarbiya va sport jamiyati raisi kubogi musobaqasi o‘tkazildi.

Sport musobaqasi murosasiz baxslarga boy bo‘lib, Surxondaryo viloyatida  xizmat o‘tayotgan Surxondaryo viloyati Milliy gvardiyasi boshqarmasi,  Surxondaryo viloyati Ichki ishlar boshqarmasi,  Surxondaryo viloyati IIB tibbiyot bo‘limi, Surxondaryo viloyati Bojxona boshqarmasi ayol xodimalaridan iborat  5ta  terma jamoadan  jami   40 nafar sportchilar katnashdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra  1 o‘rinni  Surxondaryo viloyati Milliy gvardiya boshqarmasi terma jamoasi,   2 o‘rinni   Surxondaryo viloyati IIB-1  terma jamoasi,   3 o‘rinni Surxondaryo viloyat IIB Tibbiyot bo‘limi  terma jamoalari   xodimalari qo‘lga kiritishdi.

G‘oliblar O‘zbekiston Respublikasi IIV “Dinamo” jismoniy tarbiya va sport jamiyati Surxondaryo viloyati Kengashi tomonidan diplom, medal va qimmatbaxo esdalik sovg‘alari bilan taqdirlandilar.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” “Voleybol” to‘garaklarida hozirgi kunda jami 487 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda.